သုတ်သုတ်နှင်နေတဲ့ နိစ္စဓူဝခြေလျင်ခရီးမှာ တစ်ယောာက်ယောက်ရှိမှ ဖြစ်တော့မယ်ဆိုတာရင်စိမ့် လွှမ်းခြုံ
နွမ်းပုံ မြင်ခဲ့...။
တကိုယ်ရည် တကာယလမ်းတွေကိုစိတ်ပြူတင်းပေါက်ကနေစွန့်ထုတ်ပစ်လိုက်...။
ရိုးသားစွာနမ်းရှိုက်ဖို့ ဘုရားသခင်ဖန်ဆင်းခဲ့လေသော နန်းထိုက်တော်ဝင်သူလေး...။
တွေးတွေးရင်းရင်လေးလာခဲ့ရ။
နှောင်ကြိုးပြတ် မေတ္တာငတ်ခဲ့လေသူမို့ ကိုယ်ဟာမင်းကို ၀ံ့ဝံ့စားစားမရှိခဲ့ဘူး....။
တစ်နေ့ဝေးရမယ်ဆိုတာကိုလည်း ကြိုတွေးဝန်လေးမိပါရဲ့...။
စိတ်ခံစားမှုဆူးချက်တွေကသိုသိုသိပ်သိပ်နင့်နင့်နဲနဲ...။
အချစ်ရေးမှာ ကိုယ်ဟာ ကြမ္မာဝဋ်ကြွေးတွေနဲ့ သေဘေးကပ်ဆိုက်သူ။
အကုသိုလ်ကြီးမားလိုက်ပါဘိ ညီမလေးရယ်...။
ရင်ဗလောင်ဆူ အိပ်မက်တွေနဲ့ သေမယ့်ရက်က တဖြည်းဖြည်းပိုနီးလာသလိုပါပဲ...။
လေးညှို့ကို ထမ်းပြီး သက်တန့်ကို မျှော်ရည်ခွင့်မှာ မောလျစွာ ပျော်ရွှင်နေပြန်သတဲ့...။
ဘာကြောင့် ကိုယ်ဟာ ဒီလောက်တောင် မိုက်လုံးကြီးနေရတာပါလိမ့်...။
ဖိတ်စင်လာတဲ့ သံယောဇဉ်တွေကို ကိုယ်ပြန်ရိတ်သိမ်းချင်လိုက်တာ...။
အခုတော့လည်း ခြေသုတ်ပုဆိုး၊ မြွေစွယ်ကျိုးသို့ ချစ်သူခြေရင်း
ခ၀ပ်ဆင်းပစ်လိုက်တာ သောသောကို ညံလို့...။
ဘ၀ဟာ ယခုထက်ပို၍ ပိန်းပိတ်အောင် မမိုက်မှောင်နိုင်တော့ဘူးလို့ မှတ်ယူလိုက်တယ်...။
ကိုယ့် ကိုယ်ရေးကိုယ်တာညနေခင်းထဲ ခုန်ဆင်းလာတဲ့ သမုဒယမျက်နက်ဝန်းတွေထဲမှာ
ဆောင်းရိပ်...မိုးရိပ်တွေ ထစ်ခြုန်းသံပေးခဲ့။
နွေမြူထုထဲ နှင်းအတုတွေ ပြိုဆင်းလာသလိုမျိုး…အဲဒီလောက်ထိ ညီမလေးဟာ ညင်သာနွဲ့ပြောင်း…
ဗေလုဝနတ်စောင်းလို ညီမလေးနှုတ်စကားတွေ ချိုအီလွန်းပါရဲ့….
ကိုယ် မင်းကို ဘာကြောင့် ဒီလောက် ချစ်မိသွားပါလိမ့်ကွယ်...။
ခြေစုံပစ်လဲခဲ့တဲ့ သံယောဇဉ်ပျိုးခင်းတွေ...။
တစိုက်မတ်မတ်ချစ်တော့မယ်လို့ ရွယ်စူးပစ်လွှတ်ခဲ့တဲ့ စိတ်ကူးမြှားတွေ...။
ပြန်လည်ရှင်သန်လာသော တသက်တာနိုးထရန် ခက်ခဲလှတဲ့သေးနုတ်သိမ်ဖျင်းအိပ်မက်ပျင်းတွေ...။
ကိုယ့်ကို တစ်ရွက်ချင်းသာ ခြွေချလိုက်ပါတော့လား ညီမလေးရာ...။
အလွမ်းတွေဟာ အသိတရားကို သွေဖယ်ပြီး မြူတခင်းလို ရစ်သိုင်းသီဝေ...။
မင်းကသာသေဆိုရင် ရင်ကွဲကျန်ရစ် သေပစ် လိုက်ဖို့...၊ မင်းကသာကြွေဆိုရင်
မိုးတစ်စက်ချင်း...
နွေတစ်ရွက်ချင်း...
ဆောင်းတကွက်ချင်း...
လျှပ်တပျက် အတွင်းမှာကြွေပစ်လိုက်ဖို့...ကိုယ်ဟာ ရင်ဆိုင်အားမွေးထားခဲ့...။
အသည်းကွဲတော့မယ်လို့ သွေးထွက်အောင်မှန်သော နမိတ်ပုံ ကြမ္မာရိပ်များ...။
ကိုယ်ဟာ သိဝိနက္ခတ်နဲ့များ ယှဉ်မွေးခဲ့လေရော့သလား...။
နေမှ မမြင့်သေးပါဘူးအချစ်ရယ်...ကိုယ်ကတော့ အရူးရင့်ခဲ့ပြီ...။
ကိုယ့်အသည်းတခြမ်းဟာ လွင့်စင်ခါယမ်း ကန္တရကြမ်းကို ခြေဗလာ၊
ထီးမပါ ဖြတ်သန်းရတော့မှာပေါ့...။
ဘ၀ရဲ့လက်ကျန်မှတ်တမ်းကို ဒေါမနဿတွေနဲ့ စိတ်နွမ်းကိုယ်ပန်း မလျှောက်လှမ်းချင်တော့ပါဘူး...။
သံယောဇဉ်တွေကို ခ၀ါချလိုက်တော့ ညီမလေးရေ...။
ကိုယ့်သောကနဲ့ ကိုယ် လိပ်ပြာလုံခဲ့ပါ့မယ်...။
ညီမလေးရဲ့ အိပ်ယာဝင်ပုံပြင်ထဲက “လင်းသက်” ဆိုတဲ့ ကိုယ့်ကို ဖေါက်ထုတ်ထားခဲ့လိုက်…။
ညီမလေး ကမယ့် ဆက်ရန်ကျန် အိပ်မက်ဇာတ်ဝင်ခန်းတွေထဲမှာ ကိုယ်လိုကောင်ကို
ဆင်ဆာဖြတ်ထားခဲ့လိုက်စမ်းပါ့...။
မလိမ်မာတခါမိုက်ခဲ့တယ်လို့ပဲ ရင်ဝယ်ပိုက်လိုက်ပါတော့မယ်...။
ကိုယ့်အခိုးနဲ့ကိုယ် ညို့မှောင်အုံမှိုင်း...ကိုယ့်ကြမ္မာရိုင်းခဲ့ပြီ....။
လွမ်းတော့ လွမ်းတာပေါ့ ညီမလေးရာ...။
ဒါပေမယ့် ညီမလေးလို ပင်မြင့်တင့်စံ အာကာပျံတဲ့ ပန်းကလေးကို
ကိုယ့်ကြောင့် မနွမ်းစေချင်တော့ပါဘူး...။
ကိုယ့်ဇာတာကိုယ် ဖာဖာထေးထေးပြောရမယ်ဆိုရင် “ရည်စူးလိုက်…
ဝေးလွင့်လိုက်” နဲ့ ဘယ်လို နက္ခမျိုးနဲ့များ စန်းယှဉ်တည့်မတ် ရပါ့…။
ဝေးကြမယ် ညီမလေးရေ…။
နှုတ်ဆက်ခဲ့ပါတယ်...။
ကိုယ့်ရဲ့ နွေချိုတေးလေးကို ကြေကွဲခံစား ကိုယ်ထားခဲ့ပါရစေ…။
ညီမလေး သတိရရင် မက်ဆေ့ခ်ျပို့လိုက်ပေါ့...။
ညီမလေးကို လွမ်းမိရင်လည်း ကိုယ့်စိတ်ကို ကိုယ် မက်ဆေ့ခ်ျရိုက်လိုက်ပါ့မယ်...။
ညီမလေး ဘ၀ သာယာ ငြိမ့်ညောင်းပါစေကြောင်း....ဆုမွန်ကောင်းတောင်းလျှက်-
(လင်းသက်)
၁၇-၃-၂၀၁၃ ရက်နေ့၊ မနက် (၁း၂၃) နာရီ။
No comments:
Post a Comment