" အမှန်တရားက လွဲပြီး
တစ်ခြား ဘယ်အကြောင်းအရာကမှ
ငါ့ကို အသက်ရှုမကြပ်စေရ"
ခင်ဗျားမေးခွန်းတွေမှာ
ခလုပ်ကသင်းများသလို
ကျွန်တော့လျှာကလည်း
အထိအခိုက် များလွန်း...။
တစ်ချက်ပစ်၊ တစ်ခါထိ
ခင်ဗျား အကြည့်တွေမှာ
ယမ်းခိုးတဝေေ၀နဲ့
ကျွန်တော့အဖြေတွေကို ဘောင်ခတ်ထားတယ်...။
ကျွန်တော့ ကိုယ်ရေးကိုယ်တာပုရပိုဒ်မှာ
ခင်ဗျားမင်နီတွေ စွန်းထင်းပေလို့...။
ကြာတော့ ကျွန်တော့မျှော်လင့်ချက်တွေ
အငွေ့သေစပြုလာပြီ...။
ဝယ်ရင်းဈေးထက် တစ်ဝက်လျှော့ရောင်းပေးလည်း
ကျွန်တော့ ဂုဏ်သိက္ခာဟာ
အရောင်းမသွက်ခဲ့ဘူး...။
နေညိုညို ဆန္ဒအလွန်မှာ
ကျွန်တော့မာနတွေ လှည့်ပြန်သင့်ပြီ...။
ခင်ဗျား အခင်းအကျင်းကို
လူ့ကျင့်ဝတ် အထည်ပျက်ကြီးနဲ့
ငဲ့ကွက်...ထိန်းကွပ်
ဦးညွတ်တယ်...။
ပြီးတော့
လည်ဆံတဖွါးဖွါးနဲ့
ခြင်္သေ့ခံ, ခံပြီး
ကျွန်တော်ပြန်မယ်...။
လိုအပ်လျှင်
အိပ်မက်နံပါတ် (၁၀၉၊၁၁၀) ကို
ကျွန်တော်မသေမချင်း
ဆက်သွယ်နိုင်ပါတယ်...။ ။
(လင်းသက်)
မှတ်ချက်။ ။ ၁.၄.၂၀၁၁၊ ၆ဗဟိုရ်၊ လေးမောင်း၊ ညီအကိုမသိတသိအချိန်တွင်
အရူးထပြီးရေးသည်။ ။ :P
No comments:
Post a Comment