သမရိုးကျ

တဖျစ်ဖျစ်တောက်နေတဲ့ အလွမ်းနဲ့
တဆစ်ဆစ်ကိုက်နေတဲ့ အတွေးဟာ
တစ်နေ့တစ်ခြား ရင့်မှည့်ထွားကြိုင်းလာ...

အမြီးအမောက်မတည့်သော ရနံ့တွေကိုမှ
သွေးသားတောင့်တချင်တဲ့ စိတ်ကူးများ...

ကိုယ့်ကိုကိုယ် မြှားတစ်စင်းလို
ရည်ရွယ်ရာမဲ့ ပစ်လွှတ်ချင်နေတဲ့ စိတ်ကို
အတောင်ချိုးထားရတာ ခါးသီးသက်မဲ့...
 
နှစ်လွှာပေါင်းထားတဲ့ ဘယ်သစ်ရွက်ကိုမဆို
အဲဒီကျိန်စာတွေက စူးကို စူးလွန်းတယ်....

ဘယ်ဒဏ်ရာမဆို သွေးထွက်သည်ဖြစ်စေ
အတွင်းကြေရုံလေးပဲ ဖြစ်စေ
ဟန်မဆောင်တတ်ဘူးဆိုရင်
ဖျတ်ဖျတ်လူးအောင် နာတတ်ကြတာချည်းပဲဆိုတော့...

ဖယ်ထားလိုက်စမ်းပါ...
ကျွန်တော့်ရင်ဘတ်ဆီ ငင်ထားတဲ့
ကြမ္မာဆိုတဲ့ ခင်ဗျား လေး ညှုိ့  အို ကြီး ကို...

ကံနိမ့်ပြီ မျှားသမျှ ငါးမျှားဟာ
ကိုယ့်ကိုပဲ လာငြိနိုင်လွန်းတယ်...

ဒီအတိုင်းဆို
ကိုယ့်သမိုင်း ကိုယ်ပြန်မှိုင်းတိုက်လိုက်ရတော့မလို...

မနက်ဖြန်ရဲ့ အပါယ်တံခါးတွေကို ဆွဲဖွင့်ပြီး
အ၀ီစိပဲ ဒုတ်ဒုတ်ထိ ပြေးဆင်းရတော့မလို...

ထဲထဲဝင်ဝင်ဖေါက်ထွက်လာတဲ့ သောကတွေဆို
ဘုရားမကြိုက်၊ နတ်မကြိုက်လည်းပဲ
ကိုယ်ကတော့ နှစ်နှစ်ခြိုက်ခြိုက် မေ့သောက်ပစ်နေကျ...

ကိုယ့်ဒုက္ခနဲ့ ကိုယ်ဆိုတာကလည်း
ဘယ်အချိန်ဝတ်ဝတ် အသားကို ကျလို့...

အသစ်စီးရတဲ့ သံယောဇဉ်တွေကသာ
ဖိနပ်ပေါက်လွန်းတာ...

ကိုယ်က ဒီလိုပါပဲ...
မနက်ဖြန်နဲ့ ဒီနေ့ကို
ကူးချည်၊ သန်းချည် အိပ်ငွေ့ချတတ်သူကြီးဆိုပါတော့...

ကိုယ်က ဒီလိုပါပဲ...
ထိုးသမျှ ဓါးချက်အားလုံးကို
နှုတ်ခမ်းလေးတွန့်ပြီး ပြုံးပြတတ်သူကြီးဆိုပါတော့...

ကိုယ်က ဒီလိုပါပဲ...
မရဲပဲ ကျွဲပြဲစီးရတာကို မုန်းတတ်သူကြီးဆိုပါတော့...

ကိုယ်က ဒီလိုပါပဲ...
သေမင်းနှုတ်ခမ်းကို ကိုယ့်အလွမ်းနဲ့
ချောင်းပေါက်မတတ် နမ်းတတ်ခဲ့သူကြီးဆိုပါတော့...

ကိုယ်က ဒီလိုပါပဲ...
ပုံပြင်ကြိုက်တဲ့ လူမိုက်ကြီးဆိုပါတော့...

ကိုယ်က ဒီ လို ပါ ပဲ...

ကိုယ်က အဲဒီလိုကောင်မျိုးပါပဲ...

ရိုးရိုးသားသား မိုက်မဲရတာ ဇာတ်နာပေမယ့်
အမှောင်ထဲမှာ ကန်းပြဖို့တော့
ဘယ်မျက်လုံးမဆို ရဲပါတယ်...။ ။

(လင်းသက်)

၂၅.၈.၂၀၁၃

အတွေးအမြင် စာစုများ

 "အတွေးအမြင် (၁) "

လူတစ်ယောက်ရဲ့ အပြုအမှုဟာ သူရဲ့ ဂုဏ်သိက္ခာကို ကိုယ်စားပြုသလို....
သူ့စကားလုံးတွေကလည်း သူ့ရဲ့ အဆင့်အတန်းကို ပုံဖေါ်ပေးလေ့ ရှိပါ တယ်....။

"အတွေးအမြင် (၂)"

ရုပ်ကို ခွဲစိတ်ပြုပြင်ပြီး အလှဖန်တီးနိုင်သလို....
စိတ်ကိုလည်း ခွဲခြမ်း စိတ်ဖြာပြီး အကျင့်စရိုက်ကို
လှပအောင် ဖန်တီးယူနိုင်ပါတယ်...။

"အတွေးအမြင် (၃)"

လူအများစုက မှန်ကြည့်ပြီး ကိုယ့်ကိုကိုယ် လှအောင်ပြင်ဆင်လေ့ရှိပေမယ့်....
စိတ်ကို ဖတ်ပြီး လှအောင်ပြင်ဆင်တဲ့သူကတော့ ရှားပါတယ်...။

"အတွေးအမြင် (၄)"

ဘ၀မှာ မီးစတစ်ဘက်၊ ရေမှုတ်တစ်ဘက်လူစားမျိုးတွေများစွာ ကြုံခဲ့၊
ဆုံခဲ့ဖူးပါတယ်....
သူတို့နဲ့ ဆက်ဆံရတာ နည်းနည်းလေးမှ အမှားအယွင်း အတိမ်းအစောင်း
မခံပါဘူး...
ကိုယ်တိုင် အစွန်းလွတ်ဖို့ လိုပါတယ်။

"အတွေးအမြင် (၅)"

ခြူသံပါအောင် ညည်းတွားတတ်တဲ့သူတွေတွေ့ရင်
သူတို့အစား ပင်ပန်း မိပါတယ်...
ညည်းတွားခြင်းဟာ ငိုကြွေးခြင်း မည်တယ် မဟုတ်ပါ လား....
အဲဒီလို ငိုကြွေးနေမယ့် အစား ခတ်မဆိတ်အိပ်နေတာကမှ
ကိုယ့် အတွက် အကျိုးပိုရှိပါဦးမယ်...
ဘာပဲဖြစ်ဖြစ် လူတိုင်းမှာ အိပ်မက်လှလှမက်ခွင့်ရှိတယ်လေ...။

"အတွေးအမြင် (၆)"

လောကမှာ တာဝန်ယူတတ်သူနည်းပြီး အခွင့်အရေးသမားတွေက
 ပိုများပါတယ်....
 "အခွင့်အရေး=တာဝန်" ဆိုတဲ့ သီအိုရီကို
သူတို့မေ့ထားတတ်လေ့ရှိပါတယ်...။

"အတွေးအမြင် (၇)"

ကိုင်းဖျား ကိုင်းနားမှာ နားဖို့ အားမလိုပါဘူး....အကင်းပါးဖို့ပဲ လိုတာပါ....။

"အတွေးအမြင် (၈)"

လောကမှာ ပညာရှိတွေက ဓါးအိမ်က ဓါးတစ်လက်လိုပဲ
လိုအပ်မှ ထွက်လာပြီး၊ မလိုအပ်ရင် ဓါးအိမ်ထဲမှာ သိုသိပ်
လျှို့ဝှက်နေလေ့ ရှိပါတယ်....
ဒါပေမယ့် သူမိုက်တွေကတော့ ဓါးလွတ်လိုပဲ ဟန်ရေးတပြပြနဲ့
 သွေးကြွလွန်းပါတယ်....။

"အတွေးအမြင် (၉)"

လူတိုင်းမှာ ကိုယ်ပိုင်ဘ၀ဆိုတာ ရှိကြပါတယ်....
ကျွန်တော်ကတော့ ကျွန်တော့ဘ၀ကို ကျွန်တော့ချစ်သူထံ
အငှားချဖို့ စိတ်ပိုင်းဖြတ်ထားပါတယ်....
စာချုပ်သက်တမ်းကတော့ ဘ၀သက်ဆုံးတိုင်ဆိုပါတော့....။

"အတွေးအမြင် (၁၀)"

ဘယ်လောက်ပဲပိန်းပိတ်အောင်မှောင်မိုက်နေတဲ့ဘ၀ဖြစ်ပါစေ....
အရောင်ရှိပါသေးတယ်...
အနည်းဆုံးတော့ အနက်ရောင်....။

"အတွေးအမြင် (၁၁)"

ကျွန်တော်ဘာကောင်မှမဟုတ်ပါဘူး....မရှင်းလျှင်ထပ်ပြောပါမည်....
ကျွန်တော်ဘာကောင်မှမဟုတ်ပါဘူး....အဲဒီလိုပြောနေရတာကိုက....
ကျွန်တော်ဟာ "ဘာကောင်မှမဟုတ်တဲ့ကောင်" ဖြစ်ကြောင်း ထုတ်ကြွားရာ
ရောက်နေပါပြီ....။

(လင်းသက်)

29.10.2012

အင်တာဗျူး

"  အမှန်တရားက လွဲပြီး
တစ်ခြား ဘယ်အကြောင်းအရာကမှ
ငါ့ကို အသက်ရှုမကြပ်စေရ"

ခင်ဗျားမေးခွန်းတွေမှာ
ခလုပ်ကသင်းများသလို
ကျွန်တော့လျှာကလည်း
အထိအခိုက် များလွန်း...။

တစ်ချက်ပစ်၊ တစ်ခါထိ
ခင်ဗျား အကြည့်တွေမှာ
ယမ်းခိုးတဝေေ၀နဲ့
ကျွန်တော့အဖြေတွေကို ဘောင်ခတ်ထားတယ်...။

ကျွန်တော့ ကိုယ်ရေးကိုယ်တာပုရပိုဒ်မှာ
ခင်ဗျားမင်နီတွေ စွန်းထင်းပေလို့...။

ကြာတော့ ကျွန်တော့မျှော်လင့်ချက်တွေ
အငွေ့သေစပြုလာပြီ...။

ဝယ်ရင်းဈေးထက် တစ်ဝက်လျှော့ရောင်းပေးလည်း
ကျွန်တော့ ဂုဏ်သိက္ခာဟာ
အရောင်းမသွက်ခဲ့ဘူး...။

နေညိုညို ဆန္ဒအလွန်မှာ
ကျွန်တော့မာနတွေ လှည့်ပြန်သင့်ပြီ...။

ခင်ဗျား အခင်းအကျင်းကို
လူ့ကျင့်ဝတ် အထည်ပျက်ကြီးနဲ့
ငဲ့ကွက်...ထိန်းကွပ်
ဦးညွတ်တယ်...။

ပြီးတော့
လည်ဆံတဖွါးဖွါးနဲ့
ခြင်္သေ့ခံ, ခံပြီး
ကျွန်တော်ပြန်မယ်...။

လိုအပ်လျှင်
အိပ်မက်နံပါတ် (၁၀၉၊၁၁၀) ကို
ကျွန်တော်မသေမချင်း
ဆက်သွယ်နိုင်ပါတယ်...။  ။


(လင်းသက်)

မှတ်ချက်။  ။ ၁.၄.၂၀၁၁၊ ၆ဗဟိုရ်၊ လေးမောင်း၊ ညီအကိုမသိတသိအချိန်တွင်
အရူးထပြီးရေးသည်။  ။ :P

သို့

 

သို့ -

ချစ်ရပါသော
မကလျာ

ဒီစာကိုရေးတော့ သန်းခေါင်ကျော်ညဉ့်နက် ကျေးငှက်တွေ

အိပ်တန်းတက်နေပြီ မကလျာ....

ဝန်းကျင်တခိုမှာ အရာရာပိန်းပိတ်အောင်မှောင်နေတဲ့ 

အရောင်တွေ ကြီးစိုးနေပေမယ့်...

မကလျာ ရဲ့ ခုနှစ်ဆောင်

တိုက်ခန်းလေး က ပြာလဲ့လှပနေလေရဲ့....

(၁၆)ဆက်မြောက်အမေရိကန်သမ္မတ အေဘရာဟမ်လင်ကွန်း 

ငယ်စဉ်အခါက သူ့ဘ၀တိုးတက်ရေးအတွက်

လမ်းဘေးမီးတိုင်အောက်မှာ စာရေးစာဖတ်ပြုခဲ့ရသတဲ့....

 ကျွန်တော့နှလုံးသားရေးတိုးတက်ဖို့  

 ကျွန်တော်လည်း လမ်းဘေးမီးတိုင်ကို အသုံးပြုနေရတယ် မကလျာ...

အကြောင်းပြချက်ခြေခြေမြစ်မြစ်မရှိပေမယ့် ....
"  လွမ်းတယ် မကလျာ..."

မကလျာရဲ့ အပြာရောင်ဖဲကြိုးလေးနဲ့ကျွန်တော့နှလုံးသားကို
ချည်နှောင်လှည့်ပါ....

မကလျာရဲ့ အိပ်မက်ဇာတ်ဝင်ခန်းတွေမှာ ကျွန်တော့ကို 
ဖြတ်သွားဖြတ်လာလောက်ဖြစ်ဖြစ် တစ်ထောင့်
တစ်နေရာက ပါဝင်ပတ်သက်ခွင့်ပြုပေးပါ....

အပြာရောင်ဟာ ငြိမ်းချမ်းရေး နမိတ်ကိုဆောင်သတဲ့....

အပြာရောင်ကြိုက်တဲ့မကလျာကရော  
ကျွန်တော့နွေရင်ခွင်ကို ငြိမ်းအေးစေမှာလား....

ကြားရဲ့လား မကလျာ....

ကြယ်လေးတွေ ဖျိုးဖျိုးဖျောက်ဖျောက် ကြွေတဲ့အသံကို
 ကြားပါရဲ့လား....

အဲဒါကောင်းကင်ကြီး ငိုကြွေးနေတဲ့ အသံပေါ့....

အရာရာကို သိမ်ငယ်စိုးရွံ့တဲ့စိတ်က ငယ်ထိပ်ထိ
ဆောင့်တက်လာတယ်....

ချစ်သူကို "   ချစ်တယ် "   ပြောဖို့ ကျွန်တော့လျှာတွေဘာကြောင့်
"  ထစ်အ "   နေရတာပါလိမ့်...

မကလျာရဲ့ အနုပညာပြကွက်တွေအောက်မှာ ကျွန်တော့
 ကံကြမ္မာက လေးတွဲ့ဖင့်နွဲ့....

ကျွန်တော်ဟာ ကိုယ့်ဒဏ်ရာ ကိုယ် လျှာနဲ့ပြန်လျက်နေရတဲ့ 
သားကောင်လေး တစ်ကောင် လိုဖြစ်နေလေရဲ့...

"  အလွမ်း"    ဆိုတာ လေပြည်သွေးရင်တောင် လှုးလွန့်  လှုပ်ခတ်
နေတဲ့ သစ်ရွက်လေး...ကျွန်တော့အလွမ်းတွေ
အညှာမခိုင်ချင်တော့ဘူး မကလျာရယ်....
ကျွန်တော်က မေတ္တာနည်းရပ်ဝန်းက အရောင်အဆင်းမရှိတဲ့ 
သစ်ခြောက်ပင်ပါ....

အရိပ်မဲ့တဲ့ ကျွန်တော်လိုကောင်က
မကလျာ ကို ဘယ်လို နေကာ....မိုးကာပေးနိုင်မှာလဲ....

တွေးရင်းနဲ့ ကျွန်တော့သံယောဇာဉ်တွေ ထက်ပိုင်း
ပြတ်ကျချင်လာတယ်....

အိမ်ခြေယာမဲ့အချစ်တွေနဲ့ "   မျှော်တော်ယောင် "   သီချင်းကို 
ဆိုနေရတာ အားနာစရာပါ မကလျာ....

ကျွန်တော်က -
နွေလည်းနွေ....
မိုးလည်းမိုး မို့...
ဆောင်းလည်းဆောင်းကြောင့် ....အမြဲတစေ ကြောင့်ကျ
နေရတဲ့ဘ၀နဲ့ အညတရတေလေလေးပေါ့....

တေစရာရှိရင် " "  တေ"    ပစ်လိုက်ဖို့...
နေစရာရှိရင် " နေ "   ပစ်လိုက်ဖို့...
ငတ်စရာရှိရင် "  ငတ်"   ပစ်လိုက်ဖို့ ၀န်မလေးတဲ့ 

ကျွန်တော်လိုကောင်က-
ချစ်စရာရှိတာ "  ချစ်"    ပစ်လိုက်ဖို့..
လွမ်းစရာရှိတာ "  လွမ်း"    ပစ်လိုက်ဖို့...
ဘာကြောင့်များ တွန့်ဆုတ်တွေဝေ နေရတာလဲ...
ကျွန်တော်လည်း လူငယ် ပဲ မကလျာရဲ့....
ဂျွန်ဖောက်(စ်) လို မုဆိုးဒူးထောက် ဆူးမကြောက်...
မီးပင်လယ်ကို ဖြတ်ကူးချင်တာပေါ့...

အခုတော့ ....
ကျွန်တော်က စည်းသုံးတန်တောင် အတားမခံနိုင်ပါလား...

ရည်ရွယ်လိုက်....ပျက်ကျလိုက်နဲ့ ကျွန်တော့ အဆင့်က 
ပလက်ဖေါင်းထက် ပိုမမြင့်နိုင်သေးပါဘူး....

ချစ်သူကို ချစ်ခွင့်ရဖို့ တရေးနိုး အိပ်မက်တွေနဲ့ သည်းသည်းလှုပ် 
ကြိုးစားဖူးပါရဲ့....

ကျွန်တော့ သံယောဇာဉ်ဦးမှာ စံပယ်ဖူးတွေလည်း ရုတ်ရုတ်
ထွေးထွေး ကြွေခဲ့ဖူးလေရဲ့....
ကျွန်တော့ ဆန္ဒ တွေ ဘယ်သောအခါမှ ရာနှုန်းပြည့်နိုင်ပါ့မယ်....

မကလျာရဲ့ ဘ၀ စာမျက်နှာမှာ ကျွန်တော့နာမည်ကို 
တစ်ကြောင်းခြစ်မျဉ်းနဲ့ ပိတ်ဆို့ကာဆီးထားတာ ရင်နင့်စရာ...


မိန်းမတစ်ယောက်ကို ပေါင်မုန့်တစ်လုံးလောက်မှ စိတ်မ၀င်စား
နိုင်ခဲ့တဲ့ ကျွန်တော်လိုကောင်က.....မကလျာကို စတွေ့တဲ့နေ့မှာ 
မနက်စာတွေ သိုးသွားခဲ့တာဟာလည်း ရင်နင့်စရာပဲပေါ့...

မီးကိုစတွေ့တဲ့ ကမ္ဘာဦးလူသားလို.... အချစ်ကိုစတွေ့တော့ 
ကျွန်တော့စိတ်တွေ ပြာလောင်ခတ်လိုက်တာ မကလျာရယ်...

"က" ကြီးနဲ့စတဲ့ ""  ကံကြမ္မာ"   ကို အံကြိတ်ရေးခဲ့ရတဲ့ ကောင်က 
ဗျည်း (၃၁) လုံးကို ခြေစုံကန်ပြီး "အ"ချစ် အကြောင်းကို
ဘယ်ပြောရဲပါ့မလဲ...

မကလျာရဲ့ သုံးရာသီအလှဘွဲ့ထဲ မှာ ကျွန်တော့ ရင်ခုန်သံတွေ 
ပက်လက်မျောနေမိတယ်....

နွေရက်တွေကို ကျွန်တော့ ရင်ထဲခြွေလှည့်ပါ...
မိုးဦးလေဦး ကိုတော့ ကျွန်တော့နှလုံးသားထဲ သွန်းလောင်းလိုက်ပါ...
မကလျာရဲ့ ဆောင်း မှာ ကျွန်တော့ မျက်ရည်တွေ နှင်းနဲ့အတူ
 အေးခဲပါစေတော့....
ကျွန်တော်က တစ်ရွာသား အညတရ တေလေလေးပါ မကလျာရယ်...

ကံကျိူး၊ကံကြေတွေနဲ့ ဘ၀ကို ဆိုင်းထမ်းရင်း ရည်ရွယ်ရာမဲ့
 လေလွင့်နေခဲ့လိုက်တာ....
အခုဆို သံဖိနောင့်မှာ ဓါးရာ၊လှံရာတွေတောင်
 ""   ဇောင်း "    ထ နေခဲ့ပေါ့...

အလွဲဆုံး အချိန်ခံခဲ့ရတယ်  ဆိုရင်လည်း...
အဲဒီလို မရှိခိုးနိုး မကြည့်ပါနဲ့  လား မကလျာ....

ချစ်သူကို ချစ်နေရုံက လွဲရင် မကလျာရဲ့ ဆံနွယ်တစ်စကိုတောင် 
မပြစ်မှားရက်ခဲ့ပါဘူး....

မကလျာ ပစ်ချခဲ့တဲ့ တစ်ခါသုံးပုဝါစလေးကိုတောင်မှ 
မနမ်းရက်၊ မရှိုက်ရက်နဲ့ ဘ၀ တစ်သက်စာ  သိမ်းထုပ်ထားတဲ့
ကောင်ပါ....

ခုနှစ်ဆောင် အမြင့် ကို မော့, မော့ကြည့်ရတာ ရင်ဘတ်နာလွန်းလို့ ....
မကလျာရဲ့ အရိပ်လေးဖြစ်ဖြစ် ...ကျွန်တော့ ""    ခြေအေးဝမ်းယောင်
လမ်းလေး  "        ထဲ တစ်စက္ကန့် လောက်စွန့်ကြဲ ပေးစေချင်လိုက်တာ....

မကလျာထွေးထုတ်လိုက်တဲ့ ပီကေလောက်မှ ရနံ့မရှိပဲနဲ့ 
ဘာကြောင့် ကျွန်တော်က တစ်ဆုပ်တစ်ခဲ ပွင့်ချင်နေရတာလဲ  ....
အခုတစ်လော...
မရည်ရွယ်ပါပဲနဲ့ ကဗျာတွေရေးဖြစ်လာတယ် မကလျာ...

"   အချစ်နဲ့တို့ထိမိသူတိုင်း ကဗျာဆရာဖြစ်လာကြတယ် "    ဆိုတဲ့ 
ပလေတိုရဲ့ စကားကို ကျွန်တော် အကြွင်းမဲ့ထောက်ခံလိုက်တယ်...

မကလျာ ကို ထိန်းမနိုင်သိမ်းမရ သတိရလာတိုင်း  
"  အုံ့ပုန်းချစ်"   သီချင်းကို လူမသိ သူမသိ ညည်းနေရတဲ့ 
ဘ၀ကိုလည်း နှစ်သက်တတ်လာခဲ့ပြီ....

ဒါပေမယ့် မကလျာရယ်...
ပလက်ဖေါင်းပေါ်က လမ်းတေလေ တစ်ယောက်ရဲ့ 
ရွှေရည်စိမ်ညချမ်းတွေက ဘယ်နှစ်ရာသီများ စိမ်းစို
လန်းဆန်းနိုင်မှာမို့လဲ.....

ငှက်ကလေးတွေ တောင် အိပ်တန်းပြန်ချိန်ရှိသေးတာပဲ
မဟုတ်လား....

ကျွန်တော်လည်း ပြန်သင့်ပါပြီမကလျာ....
မိုးကုတ်စက်ဝိုင်းနဲ့အနားသတ်ထားတဲ့ ""   ငွေပင်လယ် "   မြို့လေးကို 
ကျွန်တော် ပြန်ရတော့မယ်...

ကိုင်းညွတ်နေတဲ့ စံပယ်ရုံတို့ရဲ့ တီးတိုးရေရွတ်နေတဲ့ 
သံဝေဂတရားသံတွေအောက်မှာ ရိုကျိူးသိမ်မွေ့စွာ ခိုလှုံရင်း  
မကလျာနဲ့ ပတ်သက်ခဲ့သမျှ အကြောင်းအရာတွေကို သတိရနေမှာပါ....

နှလုံးသား ရှုခင်းရှုမျှော်မှာ အကြင်နာတွေ ရွှန်းရွှန်းဝေခွင့်မရခဲ့ပေမယ့်...
တစ်သက်တာ ရောင့်ရဲခွင့် ရခဲ့တဲ့ အကြည့်တစ်စုံအတွက် မကလျာကို
ကျေးဇူးတင်နေမှာပါ....

"  နာတတ်သူ အတွက်မှ ဒဏ်ရာမည်တာပါ "   မကလျာ....
မကလျာရဲ့ အကြည့်တွေ ကျွန်တော့အပေါ် သွေးရိုးသားရိုး
ဖိတ်စင်ခဲ့တာပဲ ဖြစ်ပါစေတော့....

ခွင့်လွှတ်ပါမကလျာ....
ကျေးဇူးပြုပြီး ကျွန်တော့ကို  ပစ္စည်းမဲ့ဝါဒနဲ့ စိတ်ဓါတ်တွေ ရဲရဲတောက်ခွင့်
ပြုလိုက်ပါ....

လူငယ်တစ်ယောက်ရဲ့ ဘ၀မှာ ချစ်သူရဲ့ သံသယအစွန်းအထင်းတွေနဲ့ 
သံချေးတက်ရမယ့် အဖြစ်အပျက်မျိုးတာ့ ကျွန်တော်လည်းမကြုံချင်ပါဘူး....

(ကျွန်တော်က ကိုယ့်အဆိပ်နဲ့ ကိုယ်ပြန်ပိတ်မိနေတဲ့ မြှားတစ်စင်းလိုမျိုး
 မျှော်လင့်ချက်တွေ မီးကျိုးမောင်ပျက်ဖြစ်ခဲ့ပြီ....)

တောအုပ်နဲ့ တောင်ကြားလမ်းသွယ်လေးကို ဖြတ်သန်းပြီး 
ကျွန်တော် ပြန်တော့မယ်....

ကျွန်တော့အပြန်ခရီးလှပ သလို ....မကလျာရဲ့  သွားလမ်း လာလမ်းလည်း
 ဖြောင့်တန်းပါစေ.....

ရွှေအိုရောင်သံယောဇာဉ်တွေနဲ့ ညှို့ငင် ရစ်သိုင်းထားတဲ့ လမ်းတေလေ 
ဘ၀လည်း ဗြန်းဗြန်းကွဲခဲ့ပြီးပါပြီ....

(မကလျာရဲ့ အကြည့်တွေက "  ရဲ"   တော့ ကျွန်တော့မာနတွေ ချင်းချင်း
  "  နီ"   ရတော့တာပေါ့.....)

"   တွေ့ဆုံခြင်းထက် ခွဲခွါခြင်းတွေလှပဖို့ "   ကမ္ဘာ ပြုမိုးတွေ တစ်မ၊
 နှစ်မ လောက် ရွာချစေချင်လိုက်တာ မကလျာ....

မကလျာရဲ့ နွေဦးပုံပြင်ထဲက ညစ်စုတ်စုတ် လမ်းတေလေလေး 
တစ်ယောက်ကို မကြာခင်မေ့ပျောက်သွားမှာပါ....

ကျွန်တော်ကတော့ သီချင်းလေးတွေညည်းရင်း....
ကဗျာလေးတွေရေးရင်း....မကလျာကို သတိရနေမှာပေါ့....

စံပယ်ရွက်တွေတောင်ပံခတ်သံ သဲ့သဲ့ကို နားဆင်ရင်း  မကလျာရဲ့ 
ရယ်သံဖွဖွလေးကို ခုံမင်မြတ်နိုးစွာပွေ့ဖက်ထားဦးမယ်.....

ပြီးတော့....
သဲသောင်မွမွတစ်နေရာမှာ မကလျာရဲ့ နာမည်လေးကို ပန်းကနှုတ်နဲ့ 
လှပ ရီဝေစွာ သိုင်းဝိုင်းချဲ့ထွင် ရေးခြစ်လိုက်....
မကလျာရဲ့ ခုနှစ်ဆောင် တိုက်ခန်းကို ရော်ရည်မှန်းဆပြီး သဲဖြူလွလွနဲ့ ဖန်ဆင်းလိုက်နဲ့ အလွမ်းဖြေနေမှာပေါ့....

နောက်တော့လည်း....
"အချိန်နဲ့ ဒီရေဟာ အရာရာကို တိုက်စားသွားမှာပါ...."

တစ်မိုးသောက်ပြီ မကလျာ....
မကြာခင်မှာ နေခြည်လဲ့လဲ့လေး ကွန့်မြူးလှုပ်ခတ်လာတော့မယ်.....

မကလျာ ဆိုတဲ့ အချစ်ပင်လယ်ပြင်ကြီးထဲမှာ အမြစ်တွယ်နေတဲ့
မျှော်လင့်ချက်ကျောက်ဆူးကိုနှုတ်....
အလွမ်းတစ်အုပ်နဲ့ အိမ်အပြန် ရွက်လွှင့်သင့်ပြီ.....

နေခြည်နွေးနွေးလေ မကလျာရဲ့ ပါးပြင်နုနုကို တိုးလျှိုး
ညွတ်နူးစွာ လုလုထွေးထွေးနမ်းဆွတ်ချိန် မကလျာ နိုးထ
လာမယ်....

အဲဒီအခါ မကလျာရဲ့ ခုနှစ်ဆောင်ဘုံမြင့်ကို ချိတ်ဆက်
သွယ်တန်းထားတဲ့ အပြာရောင်ခေါင်းလောင်းကြိုးမှာ
 အလွမ်းတွေ တချွင်ချွင်သာနေမယ့် ဟောဒီစာကို တွေ့ရမှာပါ....

ဒါလောက်ပါပဲ မကလျာ....
ကျွန်တော့အတွက်တော့ အချစ်ဆိုတာ မှော်ဆရာရဲ့ တစ်ဝက်တစ်ပျက်
လှည့်ကွက်လို အိပ်ရေးပျက်တဲ့ အိပ်မက်တွေ ချည်းပါပဲ.....

ကံကြွေး ကံကြွင်း ရှိရင် ကမ္ဘာ တစ်ခြမ်းနင်းပြီး ပြန်လာချင်သေးပါရဲ့....
"  မှန်တာပြောသစ္စာ "   တစ်ကယ်ချစ်ခဲ့တာပါ မကလျာ....
"  ထိုသစ္စာ စကားသာမှန်ကန်ပါက မကလျာတစ်ယောက်ဘ၀မှာ
 ရေလိုအေးမြ....ပန်းလိုလှပ နိုင်ပါစေ "   ကြောင်း ဆုတောင်းလျှက်.....

မကလျာ ကို

ချစ်တဲ့

လင်းသက်

(ခေတ္တ- ပလက်ဖေါင်း)

မျှော်သူ

မီးခတ်တဲ့နွေ
ရင်ပွင့်အောင်ပူစေလွန်းလို့
စံပယ်တွေ ခြုန်းခြုန်းရွာမယ့်
"မိုး" ကို လွမ်းတယ်...။  ။

(လင်းသက်) 
ဧပြီ 28, 2011 at 8:00am

အဝေးပြေး ပြဇာတ်

  ကိုယ့် နာမည် ကိုယ်
ခေါင်းစဉ်တပ် ပြီး
ကြော်ငြာနေရတဲ့ ဘ၀မှာ
ခင်ဗျား သံသယတွေက
ကျွန်တော့ ဇာတ်ဝင်ခန်းကို
ဆင်ဆာဖြတ်နိုင်လွန်းတယ်....

ဘယ်အကြောင်းအရာမှ
အလဟသ ပွင့်ခဲ့တာမရှိ .....

ကျွန်တော်လည်း
ကျွန်တော့အက်ကြောင်းရာနဲ့
ကျွန်တော်စီးနေတာပဲ....

ကိုင်းဖျားကိုင်းနားမှာ "နား" ဖို့
"အား" မလိုဘူး
"အကင်းပါးမှု" ပဲလိုတာ...

မနေ့က အတိတ်က
ဒီနေ့စိတ်ကို အရိပ်ကျလို့
ရက်ဆုတ်ပြက္ခဒိန် ကို
တစ်ရွက်ခြွေချလိုက်တော့
စိတ်အဆိုင်အခဲဟာ
စီးကရက်မီးခိုးလို
ပါးပါးလေးလွင့်သွားတယ်....

အသက်အရွယ်အရ
ကျွန်တော်ဟာ
ကိုယ့်ကိုကိုယ် ကိုင်းညွတ်ဖို့
သတ်မှတ်ရည်စူးလာသူ....

ကျွန်တော့ အတွေ့အကြုံအရ
ဘ၀ကို ၀ါးမြိုထားသော ဒဏ်ရာများ...

ကျွန်တော့ "ရင်" ဟာ
အကူးအခတ်များတဲ့ ပင်လယ်....

တိတ်ဆိတ်ခြောက်ကပ်သော မျက်လုံးများမှာ
အသံတွေဟာ တုန်ရီအက်ကွဲ
အသက်အရွယ်အရ
ကျွန်တော် သီဆိုနေရသောသီချင်းဟာ
ဖီးလ်ကောလင်း ပြီး ဖီးလ်ကောလင်း....

မိုက်ရူးရဲစိတ်နဲ့
သေမင်းထိပ်ပုတ်ကိစ္စ  ဟာ
ကျန်နေရစ်သော
အဝေးပြေးမိုင်တိုင်...

ကျွန်တော့အသက်အရွယ်ကို
ကျွန်တော် အသားကျဝတ်စားဆင်ယင်လို့
သည်းခံခြင်းပါရမီတွေ ရေမြင့်လာခဲ့တော့
အခုဆို ကျွန်တော်ဟာ
ဘယ်လိုစိန်ခေါ်မှုမျိုးကိုမဆို
ပြုံးပြနှုတ်ဆက်နိုင်ခဲ့ပါပြီ....။    ။



(လင်းသက်)

မှတ်ချက်။   ။ ( အကိုကြီးကိုကျော်နိုင် ၏ (၅၅)နှစ်ပြည့်မွေးနေ့ အတွက် 

အမှတ်တရရေးဖြစ်ပါသည်။ ။)

အသံထက် ပိုမြန်သော

ဝေးခဲ့ကြသော
စိတ်ပျက်ဖွယ် ကာလရှည်မှာ
ငါမင်းကို သတိရနေခဲ့တယ် ပြောရင်
မင်း ရယ် မှာလား....

အက်ကြောင်းရာများနဲ့ ဆူညံနေတဲ့
မင်းအကြောင်းကို
တိတ်တဆိတ်တွေးမိတိုင်း
ငါ့မှာ
မပျံသန်းနိုင်သော ခိုတစ်ကောင်လို
အဓိပ္ပါယ်မဲ့ ငြီးတွားနေရ....

ကွန်ပြူတာ ဖန်သားပြင်ထက်က
လတ်ဆတ်ဆဲ
မင်းအနမ်းခြေရာ နှုတ်ခမ်းရာများ....

ကီးဘုတ်ပေါ်
ပြေးလွှားလှုပ်ရှားနေ ငါ့လက်ချောင်းများ...

အလဟဿ အချိန်ပိုများသာ
အကျိုးမဲ့ ကြီးထွား ဖွံ့ဖြိုးလာရာ အရင်းအမြစ်...

ဟောဒီ ကဗျာထဲမှာတောင်
နယ်လွန်စိတ်နဲ့ သတိရမှု့ တွေ ကြမ်းကျွံတော့
ဒဏ်ရာတွေ ရင့်မှည့်....

စိတ်ကူးတရွေ့စာ ဖြစ်ဖြစ်
အိပ်မက်တစ်ခုန်စာ ဖြစ်ဖြစ်
ငါတို့
အကြည့်တစ်ချက်တောင်
မဆုံဖြစ်ခဲ့ကြဘူး....

မင်းရော ငါ့ကို
လွမ်း နေ မလား...

သတိ...ရ တယ် ကွာ!

စိတ်ကို Enter ခေါက်ပြီး
အသံထက်ပိုမြန်သော မက်ဆေ့ခ်ျ မှာ
မင်းနာမည်ကို တံဆိပ် တပ်လိုက်တော့
ရွှေအိုရောင်အလွမ်းတွေ
တ၀ုန်းဝုန်း ထ ပျံသွားတယ်...။ ။


(လင်းသက်)
1.5.2011

"ရင်ဘတ်ဖြတ်စ" (၁.၁/၂)

နေတစ်ကွင်း ၊ မီးတစ်စ
မြိုချထားတဲ့
ရန်ကုန်နွေက
မိုးကြိုနောက်ကျလိုက်တာ....

ရင်ဘတ်ဟောက်ပက်နဲ့ ကမ္ဘာ ကြီးထဲက
သံချော်ပူ မျက်ရည်တွေ
စိမ့်....ယို....စီး....ကျ
ငါတို့ ရသင့်တာထက်
ကိုးဆယ်ဆ သာနေတယ်....

ဒီလိုနဲ့
နွေ တန်ခူးကို
မိုးအတု နဲ့ ကာရံလိုက်တော့
ပိတောက်ပါးပါး လိမ်းကျံထားတဲ့
ရန်ကုန် သင်္ကြန်က
ရေစိုခံ မိတ်ကပ်တွေနဲ့
အညှီအဟောက် များလွန်း....
 
 "   သွေးနဲ့ကိုယ် ၊ သားနဲ့ကိုယ်"     ဆိုတဲ့စကားမှာ
သူတို့  ရမ္မက်တွေ
အကူးအခတ် များလိုက်ပုံများ
ထုသား ပေသားကို ကျ လို့....

ရိုးရိုးသားသား ပွင့်လင်းဖို့
ဘာအတွက်မှ
ငါ့လျှာတွေ
တွန့်ဆုတ် တွေဝေ နေစရာမလိုဘူး....

မျှားလာတဲ့ ရနံ့ ကို
အာရုံမှာ မချိတ်မီ
တောက်ထုတ်ပစ်လိုက်တော့
လွင့်လာတဲ့ " kiss me quick" ပန်းတွေ
မိုးခြိမ်းသံ လို
ဖျပ်ဖျပ်လူး ခါယမ်း သွားတယ်...။ ။


(လင်းသက်)
17.4.2011

ကြိုးဝိုင်း

စိတ်ကို ထမ်းပြီး
လမ်းကို ရွှေ့  တော့
ခြားနားခြင်း အလျားဟာ
အနား မညီဘူး.....

သတ္တိကို မီးအိမ်လို
လက်မောင်းမှာ ချိတ်
အံကြိတ် လင်း တဲ့ကောင်
ပြောလိုက် 
"  သွေး ကြောင် တယ်"   လို့.....
 
"  ခေါင်"   မလုံပဲ 
"  မိုးသံ"   ပေးချင်တဲ့ "  ဖါး"   
ရိုက်သတ်ခံရတာသနား စရာလား....

ကြွေတစ်လှည့် ၊ ကြက်တစ်ခုန်မှာ
ပုန်းထိုးသွားတဲ့ လက်သီး
ဟောဒီမှာတစ်ဘ၀လုံး 
မှောက်လို့မ ပြီး သေး ပါ ဘူး....။   ။

 


(လင်းသက်)
5.5.2011(013း0 am)

ကွက်လပ် ဖြည့်ပါ

ဆွံ့အ သစ်သီးများ
နေလောင် ကျောက်ဆောင်များ
အယောင်ဆောင် တောင်တန်းများ
ခြောက်သွေ့ သစ်တောများနဲ့
စွန့်ပစ်လိုက်တဲ့ အတွေးအခေါ်များဟာ
ငါ့နှလုံးသားမှာ
လေထုညစ်ညမ်းလို့....

  "  ကြောက်တတ်ရင်
နှစ်ခါသေတယ်"
အခွံထူထူ အယူအဆတွေက
ငါ့ကို လိပ်တစ်ကောင်လို တွားသွားစေခဲ့...

အမြင်မကြည်လင်လျှင်
ကမ္ဘာကျော် "  အာလူးစားသူများ "   လည်း
ကလေးပန်းချီပင်...

ဝေဖန်သံများသာ ငါ့အိပ်ကပ်ထဲ
ဝါးလုံးထိုး စီးဆင်းလာ

ငါဟာ
ငယ်ဘ၀ရဲ့
သတ္တိနဲ့ လက်ရုံးကို
အလွဲသုံးစား လုပ်ခဲ့ဖူးသူ...
စိန်ခေါ်သံများဟာ
သွေးစွန်း အတိတ်နဲ့
၂၀၀၄ ဓါးကို
ကလီယိုပက်ထွာ လို
ရနံ့တွေနဲ့ မျှားတယ်...

တစ်ကျွန်းပြန်လူမိုက် ဗိုက်ကို
ဓါးနဲ့ ထိုးစိုက်လိုက်စဉ်ကလဲ
အဲဒီ လူငယ်စိတ်ဟာ
တဖိတ်ဖိတ်လက်လို့...

အညွန့်တလူလူ တက်ပြီးမှ
ဘာလို့ အခက်ပြန်ကျချင်ရမှာလဲ...

အမေ့တရားသံများကိုသာ
စိတ်မှာ ပွါးများခဲ့...

ဂျွန်အက်ရ်ှဘရီလဲ
သူ့"LP" မြင်းကို
ကဗျာမုန်တိုင်းထဲမှာ
အသားကျစီးခဲ့တာပဲ...

မောင်ချောနွယ်ရဲ့  "ကိုက်လမ်း" လေးထက်
ကက်ကိုဘိန်းဟာ
လှုပ်လှီ လှုပ်လဲ့....

သိဒ္ဓိတ္ထနဲ့ သခင်အောင်ဆန်းလည်း
ဒီအရွယ်မှာ
အမြတ်ဆုံးစခန်းကို
အကောင်းဆုံးလမ်းက
ဖြတ်သန်းသွားခဲ့ကြ...

ဟောဒီ ခပ်ညံ့ညံ့ကဗျာမှာသာ
အနည်ထိုင် မာနတွေနဲ့
အတ္တတွေက စမ်းတ၀ါးဝါး...

" အတွေ့အကြုံများပေမယ့်
ရင့်ကျက်မှု မရှိရင်
အဲဒီအတွေ့အကြုံဟာ အလကားပဲ"    မဟုတ်လား...

တစ်ခါတစ်လေငြိမ်းအေးချင်စိတ်ကသာ
လေပြည်နုအေးလေး...

ငါ့ အသွေးအသားထဲမှာ
ကာရံတွေဟာ ပွက်ပွက်ဆူလွန်းလို့...
ကိုယ့်နှလုံးသွေးနဲ့ ဟောဒီကဗျာကို ရေးတယ်

ခင်ဗျား ဘယ်လိုမြင်မြင်...
မှားနေရင် ပြင်ပြီး
လွတ်နေတဲ့ နေရာလေးမှာ
"  ကွက်လပ် ဖြည့်ခဲ့ပါ..."   ။ ။

(လင်းသက်)

မေမေနှင့် မိုင်ပေါင်းများစွာ

စံပယ်နဲ့ နှင်း မှမရှိပဲ...
နွေ နေတွေချည်း ခြိမ့်ခြိမ့်သည်းတဲ့
ဟောဒီ ပူလောင် အိုက်စက် မြို့  ရိုးပျက်ထဲမှာ
ကျွန်တော် နေရတာ မပျော်တော့ဘူး မေမေ...။ ။


(လင်းသက်)

တရေးနိုး မျှော်လင့်ခြင်း

ညလုံးပေါက် မော့သောက်ခဲ့ရတဲ့ အိပ်မက်တွေဆိုတာ
မနက်ခင်းမှာ ပျို့ အန်ထွက်ဖို့ သက်သက်ပဲလား....

ဟောဒီ ညစ်ထေး ဆင်းရဲ ဘ၀အပေါက်အပြဲထဲကို

ဘယ်သံယောဇဉ်မှ ကောက်မထည့်ရဲတော့ ပါဘူးကွယ်....

မခေါ်ပဲ ရောက်လာတဲ့ အလွမ်းယဲ့ယဲ့နဲ့
မသွားချင်ပဲ ခြေဦးလှည့်လိုက်ရတဲ့ ချိနဲ့နဲ့လမ်းတွေရယ်ကို
မုန်း လွန်း ပေ မယ့်....

 
သူပြန်မလာတော့ဘူးလို့....
ဘယ်သူတွေ
ဘယ်လိုပြောပြော
ပင်လယ်ရင်ဘတ်နဲ့ ဟောဒီကောင်
လရောင်ကို "လွမ်း" တယ်...။ ။

(လင်းသက်)

နောက်ဆုံး

ဘာဖြစ်လို့ ကိုယ့်ရှင်သန်ခွင့်ကို ရပ်တန့်ခံရမှာလဲ....
ဆိတ်ငြိမ်သက်အေး လရောင်ဖွေးဖွေးလေးအောက်မှာ....
စံပယ် ရနံ့လေးတော့
ရှိုက် မက် ချင် ပါ သေး တယ်...။  ။


(လင်းသက်)

ညီမလေးပန်ဖို့ "နွေ"

ညီမလေးရေ...

ငါ့ရဲ့   ချစ်သော
ဖေဖ၀ါရီ ကောင်မလေးရေ...

တနင်္ဂနွေ အရိပ်တွေ
ငါ့ ရင်ဘတ်ထဲ
အလုအယက် ခုန်ဆင်းလာတော့
တိမ်အတုနဲ့
မေတ္တာမိုးတွေ
တစ်မ၊ နှစ်မ ရွာချ လိုက်စမ်းပါ့...။

ညီမလေးမရှိတဲ့
နွေ ညနေခင်းမှာ
ငါ့ အလွမ်းတွေက
ခြစ်ခြစ်တောက် ပူပြင်းလွန်း...။

မိုးကေခမ်းရဲ့  ကဗျာထဲက လို
"  ညီမလေးရေ
နွေကိုနွေအတိုင်း ခေါက်သိမ်းဖို့
မင်းဖ၀ါးလေးနဲ့ပဲ
ဆောင်းဦးကို တို့  ထိခဲ့"...။

ကိုယ်လိုကောင်က
ညီမလေးအတွက်ဆို
သံယောဇာဉ်တွေစီးဆင်းဖို့
မျှော်လင့်ချက်တွေ
တစ်ရာသီစာအသင့်...။

ညဆေးလိပ်ကြီး တရဲရဲ နဲ့
အသည်းကွဲကဗျာဆရာ တစ်ယောက်
အချစ်နဲ့သောက်သောက်လဲ ဝေးပစ်ခဲ့တာလဲ
ညီမလေးသိမှာပါ...။

ချစ်သော နွေချိုတေးလေးရေ....

ဖေဖ၀ါရီ ရနံ့တွေ စွတ်စိုနေမယ့်
နံနက်တစ်ခင်းမှာ
ယဉ်တစ်ကိုယ် အိပ်မက်တွေ
ငါ့အတွက် ပျိုးကြဲထားခဲ့...။

နွေဦးကို ကူးဖို့
" ဆောင်း " နဲ့  " ကိုယ့် " ကို ခြွေချခဲ့...။

ပြီးတော့
ညီမလေးရဲ့
ကိုယ်ရေးကိုယ်တာ ပရပိုဒ်ထဲမှာ
" လင်းသက် " ဆိုတဲ့ ကိုယ့်ကို
မှင်နီခြစ်ထားခဲ့...။

ညီမလေးရဲ့
နန်းဦး ရင်ခွင်ထဲမှာ
ကိုယ်လို ကဗျာ ဆရာ က
ကမ်းနားသစ်ပင်.....။

ညီမလေးသာ
ပန်ချင်တယ်ဆိုရင်ဖြင့်
ကိုယ့်နှလုံးသားကို
ဘယ်နက္ခတ်နဲ့မဆို
ယှဉ် ပွင့်ရဲ ပါတယ် ကွယ်...။ ။

(လင်းသက်)

မှတ်ချက်။ ။ (12.3.2011 တွင် မွေးနေ့ အမှတ်တရအဖြစ် ရေးသည်...။)

မနက်ဖြန်အတိုင်း ဒီနေ့ အတိုင်းမနက်ဖြန်

မနက် အပြင်ထွက်တာနဲ့
မျက်စိ ထိပ်တုံး ခတ်ခံရ တဲ့ ကောင်တွေထဲမှာ
ငါက ထိပ်ဆုံးက ပဲ...

ဘယ်လိုလူတွေလဲ
၁၀၉၊၁၁၀ လမ်းမအလယ်မှာ
ခလောက်ဆန်ခံ ဒဏ်ရာတွေနဲ့

စိတ်ဓါတ်တွေ ဇောချွေးပျံနေလိုက်တာ

ဇာတ်ကို ပျက်ရော...

မြိုးမြိုးမြတ်မြတ်ရရင်
ဘာမဆိုလုပ်တဲ့
လူကြီးမင်းတွေရဲ့  စာချုပ်ထဲမှာလဲ
ငါ့မာန တွေ
အမြှုပ်ကို သေလို့...
 
ဒီနေ့အဆင်မပြေဘူး...

ဒီနေ့စိတ်လေတယ်...

ဒီနေ့မိုးရွာပေမယ့် ၊ ထီးမပါဘူး...

ဒီနေ့ ခလုပ်တိုက်လို့ ကျောင်းနောက်ကျ...

"   ဒီနေ့ အကြွေးမရောင်းပါ "    ဆိုင်မှာ
ဒီနေ့ အကြွေးစားတယ်....

ပြီးခဲ့လက သေသွားတဲ့
ရည်းစားဟောင်းကို
ဒီနေ့ ပြန်တွေ့နေရ...

ဒီနေ့ ကိစ္စတွေ
ဒီနေ့ပဲ ရှင်းမှ...

ဒီနေ့...ဒီနေ့...ဒီနေ့...

မနက်ဖြန်လဲ...
ဒီနေ့ အတိုင်း ပြောရဦးမှာပဲ....
ဒီအတိုင်းသာဆို
ငါ့ ဒီနေ့တွေ
မနက်ဖြန်မှာ ထက်ပိုင်းကျိုးရချည့်...

မပစ်ပဲအချိန်ခံထားရတာ
စိတ်ကုန်လွန်းလို့
ညှိလက်စ ဘ၀ကို
ပစ္စလက္ခ လွှတ်ချလိုက်တယ်....

အငွေ့မသေသေးတဲ့ အတ္တ ကို
အရိုးစွဲ ဒေါသတွေနဲ့
အငြှိုးတကြီး နင်းချေ
ငါက...
ကလေကချေပဲ....

ဟုတ်တယ်...
ငါက အပေအတေပဲ...

ဒါပေမယ့်လေလာတိုင်းကြွေတတ်တဲ့
ခရေ တော့မဟုတ်ဘူး...

မင်းကငါ့အတွက်သိပ်မြင့်နေသလား...

ငါက....
ပျံသန်းဖို့ မကြောက်ပါဘူး....
အတောင်ဖြန့်ရမှာကိုပဲ
ပျင်း...နေ....တာ

ဒီလိုနဲ့ပဲ တွေဝေမှုတွေရဲ့အကျိုးဆက်က
နံပါတ်တစ်ဆယ့်သုံး(၁၃)
ငါ့ ရည်းစားလေး
အကောင်းစား သူဋ္ဌေးကြီးရဲ့
နောက်ဆုံးပေါ် ရင်ခွင်ထဲမှာ
မြှုံးမိငါးလို
အလုံးလိုက်အထွေးလိုက်
ပါ...သွား...ရှာ...တယ်

ကိုယ့်ပုခုံးထက် တ၀ုန်းဝုန်းပြုတ်ကျဖူးတဲ့
သူ့ ဦးခေါင်းလေးမှာ
နှင်းဆီပန်းတွေ
မ လတ် ဆတ် တော့ ဘူး တဲ့....

ခင်ဗျားဟာ
အစာကျွေးလို့ကတော့
ဘယ် ငါးမျှား မဆို
ဟပ်ဖို့ ၀န်မလေးသူ....

အလကားရတိုင်း
လေသိပ်မချွန်နဲ့ ကိုယ့်လူ
ဒီမှာနားအေးပါးအေး
ဓါးသွေးချင်လို့ပါ....

နှုတ်ခမ်းကိုက်ပြီး
တောက်ခေါက်ရတာ
အရည်မရ အဖတ်မရ
မိအေး နှစ်ခါနာတာပဲ ရှိမယ်....

(တော်ပြီကွာ....
နောက်တစ်ခါ
ကျ....စိမ့် (ပြုတ် ကျ ၊ အီ စိမ့် )
ဘယ်တော့မှမသောက်တော့ဘူး....

အချက်အလက်တွေများလွန်းလို့
ငါ့ခေါင်းထဲမှာ
ကဗျာတွေက လွဲရင်
ဘာအခက်အလက်မှ....မရှိ

(စကားလုံးတွေသာ
ပွင့်ချင်တိုင်း ပွင့်နေမယ်...)

အသည်းကွဲတိုင်း ကဗျာရေးရတာလည်း
ငါ့မှာ
ကဗျာ ကယာ ဆရာကြီိးကို ဖြစ်လို့...

"  အကောင်းဆုံးအရာတိုင်းဟာ
အကြိုက်ဆုံးမဖြစ်နိုင်ဘူး "    တဲ့....

ဒါကြောင့်...
ဟောဒီ ကဗျာကို
ခင်ဗျားတို့ ကြိုက်ချင်မှ
ကြိုက်...လိမ့်....မယ်.....

ကျွန်တော်တို့ကျောင်းက ပါမောက္ခကြီးလို
မျက်မှန်တပ် တပ်ပြီး
ဘောင်ခတ် မကြည့်ကြပါနဲ့ကွယ်....

ကျွန်တော်က
အလှပြ ပန်းချီကား မဟုတ်ရပါဘူး....

(မျက်လုံးပြူးကြီးနဲ့
အကြည့်ခံရမှာကို
မျက်လုံးပြူး လွန်းတယ်....)

ဒီညတော့...
နေစရာမရှိပဲ
နေချင်တာပဲ သိတဲ့စိတ်ကို
တိတ်တိတ်လေး ခြုံအိပ်ရဦးမယ်....

လှိုင်းသံ ၊ လေသံ
မိုးခြိမ်းသံကြားရင်
ကျွန်တော့်အိပ်မက်ကို
တံခါးခေါက်ပေးကြပါ....

ဒီနေ့....
အသစ်ဝယ်လာတဲ့....
ဒီနေ့ / မာယာအဟောင်းထည်လေးက
ဒီနေ့ထိ...
အသားမကျသေးလို့...။ ။

လင်းသက်(6.9.2001)

နွေရင်ထိုးနဲ့ ကောင်မလေး

တစ်ရာသီလုံးပွင့်တာတောင်
တရှိုက်မက်မက်နမ်းရက်စရာ တစ်ပွင့်မပါခဲ့ဘူး…
မြင်သမျှ ရွက်ကြွေတွေက
နွေ….

ဖြတ်သန်းလာတဲ့
နေခြည်နဲ့လေပြည်ဟာ
နွေ…

မိုးတစ်အုပ်၊ တိမ်တစ်ဆုပ်နဲ့
ဝေးလွင့်သွားတဲ့ သူ့စကားသံဟာ
နွေ…

ညီမလေးရဲ့ တုံ့ပြန်မှုတွေ
ခြစ်ခြစ်တောက်ပြနေမှတော့
ကိုယ့်အလွမ်းတွေ ဖေါက်ပြန်တာမဆန်းကြယ်…

ညီမလေးရဲ့
တစ်ကြောင်းခြစ် ၀ါကျတွေထဲမှာ
ကိုယ့်ဝေဒနာကို အက္ခရာစဉ်ကြည့်လိုက်တော့

တနင်္လာနံတွေ စင်းစင်းသေတယ်…

မမျှော်လင့်ဘူး ညီမလေးရယ်
ကိုယ်လာရာလမ်းမှာ ညီမလေး မာနတွေ
ဓါးတစ်ရာ၊လှံတစ်ရာ ဖြန့်ကာထားလေတော့
ပိတောက်တစ်ကမ်းတောင် မလှမ်းဝံ့ခဲ့ဘူး...

၁...၂...၃...
ညီမလေး လက်ထဲ
ကိုယ့်ကံကြမ္မာတွေခုန်ချ

ဘယ်လိုရသမျိုးနဲ့ လွမ်းပြရဦးမှာလဲ...

ကိုယ့်ပြဿဒါးတွေ
သန်းခေါင်ထက်ညဉ့်နက်လေတော့
ညီမလေးချူမယ့် မနက်ခင်းထဲ
ကိုယ့်ခံစားချက်တွေ
အုတ်ရောရောရော ၊ ကျောက်ရောရော
မကြွေရက် ဘူးကွယ်…။ ။



(လင်းသက်)
10.4.2011

"ရင်ဘတ်ဖြတ်စ" (၁)

ငါရှာဖွေနေတဲ့ အရာက
သိမ်မွေ့လွန်းတော့
ဘယ်လို ရနံ့မျိုး နဲ့
မျှား မရ၊ ချိတ် မရ....

စိတ်သစ်...လူသစ် မဖြစ်နိုင်သေးသော
အဟောင်းသံသရာ....
ဘောင်းဘီ အသစ်မ၀တ်နိုင်တာ......ကြာပြီ
ရည်းစား အသစ် မထားနိုင်တာ........ကြာပြီ

ရန်သူအသစ်နဲ့
မွတ်သိပ်နေတဲ့ ရောဂါအဟောင်းထည်ကို
ပိုးမွေးသလို မွေးပြီး
ဒဏ်ရာဟောင်းကိုပဲ
တယုတယ တူးဆွနေရ...

ကဲ!
အခု....
ပြောရင်းနဲ့ပဲ
ရသ (၉)ပါးကင်းသော
ဟောဒီ ကဗျာထဲမှာ
ပိုးမျိုး (၈၀) ဟာ
ခလောက်ဆန်လာတော့တယ်...။ ။


(လင်းသက်)
16.4.2011

"ရင်ဘတ် ဖြတ်စ "(၁/၂)

ဘယ် လေ နဲ့ လွင့် လာ လာ
အဲဒါ
လမ်းကြို လမ်းကြားထဲက
ဖက်ခွက်စား စကားပဲ....

အမြီးအမောက်မတည့်သော စကားများကို
ကျန်းမာရေး ချို့  တဲ့ သော
နားထဲ ထည့်ထားရတာ
ခါး...တယ်...

ခင်းပေးတဲ့ လမ်းကို
မလျှောက်မိဖို့
ခြေထောက်ကို ဇက်ကြိုးတပ်ပြီး
စိတ်ကို အလွတ်ထား....

အသားဓါတ်မဲ့ နေတဲ့ ဆန္ဒတွေ ကို
အရေခွံ ချွတ်ပစ်လိုက်တော့
အဲဒီ အကြည့်တွေမှာ
အချိန်မရွေးကျွတ်ထွက် သွားတော့မယ့်
ဆူးတွေ အပြည့်နဲ့....။ ။



(လင်းသက်)
15.4.2011

အဲ ဒီ အသိ နဲ့...ငါ နင့်ကို မေ့ လိုက် တယ်

 

သတိရ စိတ် ကို လွှင့်ပစ်ပြီး
နာကျည်းမှု့ကို
တစ်စု တစ်စည်းတည်း
သိမ်းထုပ် ထားလိုက်.....

နင်နဲ့ ပတ်သက်ခဲ့ သမျှ ဟာ
ငါ အသံ ကုန် ခြစ်ထုတ်လိုက်ရသော
အဖျား အနာ ရောဂါများ....

ဆက် လျှောက် မယ်
ဒီလမ်းကို
သံသရာဆုံး အောင်
ငါ လျှောက် မယ်....

နင် နဲ့ ဝေး ဖို့ ဆို
ရင်တစ်ခြမ်း ပဲ့ အောင်
ငါ ဆက် လျှောက် မယ်.....

နင့်နာမည် ကို
ငါ့ရင်ဘတ်ထဲက
ဆွဲနှုတ် လို့ မရ ရင်
" နေ " နဲ့ အနီးဆုံး " ကမ္ဘာ " ဟာ
ငါ .......      ပဲ.......

အဖြတ် အတောက်များ တဲ့
လူ့ဘ၀ ထဲ
ပုံပြင် အပိုင်း အစတွေကို
ဘာကြောင့် ဆွဲဆန့် နေရ မှာလဲ....

ကမ္ဘာဦး တမ်းချင်း ထဲက
ငါ့ ခန္ဓာ တစ်ခြမ်းဟာ
" နင် မ ဖြစ် နိုင် ကြောင်း"
ကမ်းကုန်အောင် လွမ်း တတ်ခဲ့ပြီးမှ
ဒီ အသိကို
ငါ ...... ရ ....... ခဲ့ ........ တယ်။ ။



(လင်းသက် )
3.5.2011(11း10 pm)

မှတ်ချက်။ ။ (သူငယ်ချင်း(မိန်းကလေး)တစ်ယောက် အတွက်
သူ့ကိုယ်စား ခံစားရေးဖွဲ့ ပေးပါသည်...။)

စိတ်ကူးတည့်ရာ

 

 

ရေးချင်ရာ လျှောက်ရေးပြီး
ဘာမှန်းမသိတဲ့ ၀ဋ်ဆင်းရဲမှာ
ငါနဲ့ ငါ့ကဗျာတွေကတော့
(ကိုယ်မဟုတ် သလို)
ခပ်တည်တည်ပါပဲ...

ကိုယ့်ဝါသနာနဲ့
ကိုယ်စပ်ဆလူးခါတာ
ဘယ်သူ့ကိုမှ
မှတ်ပုံတင်စရာ
လိုမယ် မထင်ပါ....

ငါ့ကဗျာတွေ
ဆင်ဆာအဖြတ်မခံရဖို့အတွက်
ဘယ်ကန့်ကွက်မဲ မဆို
ထန်းလက်နဲ့ ကာ ထား မယ်....

လေကြောင်းမပြောင်းပဲ
လမ်းလွဲလာသော
ဖမ်းဆီးရမိ စကားလုံးများ
တရားမ၀င် လှယဉ်ကျေးမယ် လို
(ဖုံးဖုံးဖိဖိနဲ့)
နံရံမှာ ချိတ်ပေးရတာ
ခင်ဗျားကို
အား  လည်း   နာ    တယ်....

မကျေနပ်တိုင်း
(၁)က ပြန်စ နေမယ့်အစား
နေတတ်သလို နေကြည့်လိုက်တော့
ဘ၀ဆိုတာ
ဒစ်(စ)ကောင့် ရသော
ပျော်စရာ တပွေ့တပိုက်ကြီးနဲ့
(မိုက်မိုက် မဲမဲ)
ကျေနပ်  ဖွယ်   ရာ....။


လင်းသက်
3.5.2011(11း55pm)

ငါ စဉ်းစားသည်...ထို့ကြောင့် ငါ ရှိသည်....

ငါ့ကို ပစ်ခဲ့သမျှ လွဲသော မိုးကြိုးလို
အလဟဿ သီးပွင့်မှုမှာ
မင်းကဗျာတွေ မပါစေနဲ့.....

ဘ၀ အစ အဆုံး
ညွှန်းဆိုချက်တွေနဲ့
ရုံပြည့် ရုံလျှံ ဖွင့်အန် နေတာမျိုးမှာ
မင်းစိတ်တွေ
ယောက်ယက်ခတ် နေတုန်းပဲ သူငယ်ချင်း....

အကြံကုန်လို့ ချက်တဲ့ "ဆား"
ဂျပန်နြူကလီးယား အထိ
ဆိုက်ရောက်သွားလည်း
သက်ရောက်မှု တိုင်းမှာ
တုန့်ပြန်မှု့ အကျိုးဆက်တွေနဲ့....

အဲဒီ နိယာမကြီး တစ်ခုစာအတွက်
ငါးစာ ပါးပါးလေး ချထားထာ
ထိုက်တန် မျှတ ရဲ့လားငါစဉ်းစားတယ်....

ကျွတ်ထွက် သွားတဲ့ စိတ် ကို
ဓါး တစ်စင်း လိုလှောင်အိမ် ထဲ မောင်းသွင်းရင်း....

ခိုကိုးရာမဲ့ကြွက်တစ်ကောင်လို
အဓိပ္ပါယ်မဲ့ တွင်းတူးရင်း.....

စီးကရက်ငွေ့ ကို
မြွေတစ်ကောင်လိုရစ်ခွေကြည့်ရင်း......

ဒီစိတ်ကူး ကို ငါ ရ ခဲ့ တယ်.....
ငါတို့ကိုယ့်ဗီဇ နဲ့ ကိုယ်
ရိုးမြေကျ နေရတာကိုက
လူ   ပီ   သ   နေ   ပါ    ပြီ      လေ....။    ။

 

(လင်းသက်)
5.5.2011 ( 14း11 pm)

"I think, therefore I am!"                         
                     ရေနီဒေးကား (17 ရာစု)                               
               (ပြင်သစ်တွေးခေါ်ပညာရှင်)

မိုးရွာတဲ့ အဲဒီ "နေ့" ကပေါ့

 

 

ရေးလို့ မရ တာရယ်
မရေးချင် တာရယ် နဲ့
မရေးနိုင် တာရယ်
မရေးတော့ဘူး ဆိုတာရယ် မှာ
စိတ်ပျက်ခြင်းတွေ
တစ်နေ့လုံး မစဲတော့ဘူး....

ဖွင့်ထားတဲ့ စာအုပ်က
ငါ့ခေါင်းကို
သံချောင်းလှမ်းခေါက်တယ်....

ငိုက်ကျလာတဲ့
နာရီလက်တံက
တဖျောက်ဖျောက်ရွာနေတဲ့
ငါ့ နားကို တံခါး ပိတ်လိုက်တယ်....

လွင့် လာတဲ့ မိုးစက်တွေကို
လှမ်း ဖမ်း လိုက်....

စိတ်ကို သန့်စင် လိုက်နဲ့
စကားလုံးတွေပွင့် ဖို့ ကြိုးစားရင်း....

တစ်စုံ တစ်ယောက်ကို
လွမ်း ဖို့ ကြိုးစားကြည့် ရင်း
နွမ်း နေဆဲ ခဏမှာ
တစ်ကျော့ပြန် မုိုးဟာ
အိပ်ပျော် နေတဲ့ ဆပ်ဖလူးတွေ ကို
လှုပ် နှိုး သွား ခဲ့ တယ်.....။

လင်းသက်
4.5.2011(103း0pm)

ဝစီပိတ်

ပြောမရ ဆိုမရ အကုသိုလ်က
တွေ့လိုက်တာနဲ့ 
ကျွန်တော့ကို
ဖက်လှဲတကင်းပဲ....
"လူပါး" မ၀ခင်
လူ့ "ပါး" အရင် ၀ လာသော
မိုးတလုံး လေတလုံး ကဗျာများ.....
ခင်ဗျား "ငရဲ" မှာ
ကျွန်တော့ စိုးရိမ်ရေအမှတ်က (၄၂၀)

နားမလည်ပဲနဲ့
မျက်စိ လည် နေတာမျိုးမှာ
ခင်ဗျား ဒုက္ခကို
ကျွန်တော်
အသံတိတ် "သနား" သွားပါတယ်....။
(လင်းသက်)
3.5.2011(113း0)

ကျွန်တော့ကို အသည်းကွဲစေခဲ့သော

တစ်ကယ်တော့
ဘာမှ မဟုတ်ပါဘူး...
ရေစက်လေး တစ်စက်ပါပဲ....
ဒါပေမယ့်...
ကိုယ်တည်ဆောက်ထားတဲ့
သဲနန်းတော်ကြီးတစ်ခုလုံးကို
အရည်ပျော် ပြိုကျသွားစေနိုင်လောက်တဲ့ ရေစက်လေး....။  ။

(လင်းသက်)

ဖိနပ်

 

ပါးပါးလွှာ ခံထားရသော
အသား အရေ မှာ
သင့်တော်ရာ တံဆိပ် ကပ်
ကတ္တီပါ ကြိုးတပ်ပြီး
ဒုန်းစိုင်း စီး လိုက်တော့
သူတို့ ဖေါက်တဲ့ လမ်းဟာ
လျှောက် သလောက်
ရောက်....ခဲ့....တယ်။ ။


(လင်းသက်)
4.5.2011( 11း05pm)

အိပ်မက်ရာသီ (၀၁း၁၅ )

မုန်တိုင်းမှာ ခြေထောက်ရှိရင်
ပင်လယ်ကို ခုန်ကူးလိုက်.....

ဟောဒီ
ဘ၀ တစ်ဝပ်စာလေး ထဲ
ဒုက္ခ တွေ
ချိုးဝင်ကွေ့သွားလိုက်တာ
မိုး လောက် ကျယ် တယ်....

ကိုယ့်မနက်ခင်းတွေ
အိပ်ယာထ နောက်ကျတာ
အိပ်မက်ရာသီစော လို့ ပါ.....

ပွဲသိမ်းခရာ မမှုတ်ခင်
ဒါမှမဟုတ်
အမှတ်စဉ် တစ်ဆယ်မဆုံးခင်ထိ
ကိုယ် ဘယ်သရဖူ မှ
မဆုံးရှုံးသေးပါဘူး....

ကံကြမ္မာ ထက်
ကိုယ့် ဆုံးဖြတ်ချက်ကို
ပိုယုံကြည်လိုက် ညီမလေးရေ....

တဖြောင်းဖြောင်းခတ်တဲ့
လက်ခမောင်း  ကြားမှာ
အငှားသတ္တိတွေ ရှိကြောင်း
ကိုယ် ပြော ပြ မယ်....

ကိုယ့်ပါရမီနဲ့ကိုယ်
အရွယ်မရောက်နိုင်ကြတဲ့
ပျိုးပင်ပေါက်လေးတွေအကြောင်း
ကိုယ် ပြော ပြ မယ်.....

ပင်လယ်ကို စိတ်နဲ့ ကူးဖြတ်တဲ့
မုဆိုးတွေ အကြောင်း
ကိုယ် ပြော ပြ မယ်....

ကျားရဲ ဂူနံရံပေါ်က
အမဲလိုက် မှတ်တမ်းတွေအကြောင်း
ကိုယ် ပြော ပြ မယ်....

ဘ၀ခေါင်းလောင်း
အချက်(၃၀) တီးမှ
မီးထတောက် တဲ့
အပြေးသမားတွေ အကြောင်း
ကိုယ် ပြော ပြ မယ်....

ပြောချင်တာများလို့
တစ်ပိုင်းသေနေတဲ့ လျှာကို
ကြိုးတုပ်ချည်နှောင်ထားပြီး
တဖျစ်ဖျစ်မြည်နေတဲ့ မီးတောက်လေး လို
အမှောင်ထဲကို
ဖျံလို ငါးလို တွားဝင်သွားကြရအောင်....

ချင့်ချင့်ချိန်ချိန်အိပ်နေပေမယ့်
တိမ်လို....လေလို....
မျော လွင့် နေ တဲ့ စိတ် က
သွေးနဲ့ဆက်မယ့် မနက်ဖြန်တွေမှာလည်း
ငြိမ်းချမ်းရေးဂျိုးငှက်နဲ့
သံလွင်ခက်တွေ ရှိတဲ့ အကြောင်း....။   ။

(လင်းသက်)

8.5.2011( 01း15 am)

အဖြည့်ခံ

 ဘ၀တစ်ခုလုံးနွမ်းပြလိုက်
ရင်တခိုလုံး စိုပြလိုက်နဲ့
ပြုံးရမှာတောင် မချိဘူး....

ညီမလေးသာ ပျော်မယ်ဆိုရင်
ငါ့အိပ်မက်တွေ
ပြို  ချင်  ပြို   ပါ   စေ   တော့
ဆောင်း တခတ်စာလေး
အေးပြလိုက်ချင်တယ်....။   ။

(လင်းသက်)

မှတ်ချက် ။    ။ (အောက်တိုဘာ၊ ၁၁ ရက်၊၂၀၁၁။
ညနေ ၄း၂၅ မိနစ်အချိန်တွင် ဆရာစာသင်နေစဉ်
လက်ကမြင်းလိုက်သည့်ကဗျာဖြစ်ပေသည်။)