"ဘာမှ မရှိတော့ဘူး"

UMFCCI ရှေ့က ဖြတ်လျှောက်လာတယ်
သူနာပြုတက္ကသိုလ်ရှေ့က ဖြတ်လျှောက်လာတယ်
2015 ကို ဖြတ်လျှောက်လာတယ်...
ဒီအချိန် ကိုယ့်ရှေ့မှာ ညနဲ့ "ကက" ကလွဲပြီး
တစ်ခြားဘာမှ မရှိဘူး...

ကိုယ့်လက်ထဲမှာ 8.6 ဘီယာတစ်ဗူးကို
ကျစ်ကျစ်ပါအောင် ဖြစ်ညှစ်ထားတယ်...

ယုံကြည်ချက်ကို တဖြစ်ဖြစ်မြည်အောင်
ဖြစ်ညှစ်ထားတယ်...

ကိုယ့်ရှေ့မှာ ချောက်နဲ့ ငြှောင့်လွဲပြီး
တစ်ခြားဘာမှ မရှိဘူး...

ကိုယ်ဟာ ခပ်ဖျော့ဖျော့ ဂျင်းတစ်စုံကို
ကြပ်ကြပ်တည်းတည်း ဝတ်ထားတယ်...

ခပ်လျော့လျော့ အနာဂါတ်ကို
ကျိုးတိုးကျဲတဲ ဝတ်ဆင်ထားတယ်...

ကိုယ့်ဖနောင့်မှာ မြှားဒဏ်ရာကလွဲပြီး
တစ်ခြားဘာမှ မရှိဘူး...

ဖြူနီကြားအင်္ဂတေပေါ် ခြေစုံပစ်တင်လိုက်တယ်...

8.6 ကို ဖောက်ပြီး တော်ဝင်စင်တာက
အိပ်တန်းပြန်လေးတွေကို ငေးကြည့်ဖြစ်တယ်...

ကိုယ့်ဘဝကို ကိုယ်ဖောက်ကြည့်တော့
အိပ်တန်းပြန်ချိန် နီးပြီဆိုတဲ့အသိကလွဲပြီး
တစ်ခြား ဘာမှ မရှိတော့ဘူး...

-လင်းသက်-

ကျွန်တော်ဟာ ဘယ်သူမှ မပြောတတ်တဲ့ ဘာသာစကားဖြစ်တယ်

ကျွန်တော့်နာမည်ဟာ သံချေးတက်နေတဲ့ သော့ခလောက်ဖြစ်တယ်...

ကျွန်တော့်ကို ဘယ်လို ဖျားယောင်းမှုနဲ့မှ လာဖွင့်လို့ မရဘူး...။

ရာသီလက်တံဟာ ချောက်ချောက်ချက်ချက်နဲ့

ကျွန်တော့်ကို အသက်ကို ပါးလျက်၊ နားလျက်လုပ်လွန်းတယ်...။

ကျွန်တော်က စိတ်ပြူတင်းတံခါးကို ဒီအတိုင်းဖွင့်ထားရင်တောင်မှ

ဟင်းလင်းပွင့်ချင်နေတဲ့ ကောင်ဆိုပါတော့...။

တစ်ခုတော့ ရှိတယ်...

ကျွန်တော်တစ်ခုမှ မသိတော့ဘူး...။

ကျွန်တော့် နေရာဟာ ကျွန်တော့်ခြေဖ၀ါးအောက်မှာ

ပြားပြားမှောက်နေတယ်...။

ခင်ဗျား ကြားဖူးသလား...

ထမင်းရည်ပူ အလောင်မခံနိုင်လို့ သိုးလိုက်ရတဲ့ သိက္ခာအကြောင်းကို...။

ကျွန်တော့်မာနဟာ ကျွန်တော့်မာယာထက် ပိုထူထဲတယ်...

ကျွန်တော့်ကို ပါးပါးလွှာလွှာ လာလှီးကြစမ်းပါ...။

ကျွန်တော့်ခြေလှမ်းကို ကျွန်တော့်သက်ပြင်းနဲ့ ရွှေ့ခဲ့တယ်ဆိုတာ

ကျွန်တော့်ဒိုင်ယာရီထဲက ရင်သပ်ရှုမောဖွယ် မြင်ကွင်းတွေကိုတွေ့ရင်

ခင်ဗျား နားလည်ဖွယ်ရှိမယ်...။

ကျွန်တော့်နတ်ပြည်ဟာ ခင်ဗျား ငရဲထက် ကိုး၊ ဆယ်ဆ သာတာပေါ့...။

ခင်ဗျား မြင်လား...

ကျွန်တော့် အိပ်မက်ကို

ခင်ဗျား မြင်သလား...

ရေခဲသေတ္တာထဲက ကျွန်တော့်အသည်းနှလုံးကို

ခင်ဗျား မြင်သလား...

ကျွန်တော့်ကို ရန်လိုငြှိုးတေးထားတဲ့ ကျွန်တော့်ကို

ခင်ဗျား မြင်သလား...

ကျွန်တော့်နောက်ကျောမှာ ခွေလိပ်ထားတဲ့ ဒဏ်ချက်တွေကို

ခင်ဗျား မြင်သလား...။

ခင်ဗျား မမြင်ဘူးဆိုရင်

ခင်ဗျားနဲ့ ကျွန်တော့်အကြား စကားများစရာ မလိုတော့ဘူးပေါ့...။

ကျွန်တော့်ဆီမှာမရှိတဲ့ ခင်ဗျားနားလည်မှုကို ထမ်းပြီး

ကျွန်တော့်စာမျက်နှာပေါ်က ထွက်သွားလိုက်ပါ...။

ကျွန်တော်ကတော့ တစ်လောကလုံးနဲ့ တစ်ယောက်ဆိုတော့

ကိုယ့်ခြေဖ၀ါးအောက် ကိုယ် ပြားပြားမှောက်နေလိုက်တာပဲ ကောင်းပါတယ်...။

(လင်းသက်)

၁၅.၄.၂၀၁၅

လွိုင်ကော်

နွေခံစားမှု

ကိုယ်က မြူမှုန် ဆောင်းနှင်းလို
ထစ်ခနဲဆို အေးခဲချင်နေတဲ့ ကောင်မျိုးမဟုတ်လား...။

ကိုယ့်ခေါင်းစဉ်နဲ့ကိုယ် သက်ပြင်းလေး တစ်ငုံစ၊ နှစ်ငုံစ
ကိုယ်စီ ကိုယ်ငှ မျိုချပြရုံနဲ့တော့
ဟောဒီ နွေဟာ မီးထ မတောက်လောက်ပါဘူး...။

ကိုယ်တို့နှစ်ယောက်လောက်
နွေမရောက်ခင် အက်တဲ့ ရင်
ဘယ်မှာမှ မြင်ရမယ် မထင်ဘူးဆိုတော့...။

ကိုယ့်သဘောနဲ့ ကိုယ်သာဆိုရင်
ဒီနေရာမှာတင် တဝေါဝေါရွာချ ပစ်လိုက်ပြီ အချစ်ရေ...။

(လင်းသက်)
စနေနေ့ည၊ ၁၀ နာရီ၊ ၅၆ မိနစ်၊
၁၉-၄-၂၀၁၄

ကျွန်တော်ဟာ စုန်းတစ်ကောင်ဖြစ်တယ်

 

ခင်ဗျားဟာ ကျွန်တော်စုန်းပြန်ဖြစ်ဖို့
သွေးသစ်လောင်းခဲ့သူ ဖြစ်တယ်...

ဒီကမ္ဘာမှာ
ခင်ဗျားလောက် မိုက်မဲသူ မတွေ့မချင်း
ကျွန်တော်က ခင်ဗျားကိုပဲ စုန်းကိုက်ရတော့မှာပေါ့...

ကျွန်တော့် အငြှိုးအတေးဟာ
ခင်ဗျားကို မီးဟုန်းဟုန်းထစေတဲ့ ကျိန်စာဖြစ်လာလိမ့်မယ်...

ကျွန်တော့်စကားဟာ ခင်ဗျားအမှားကို
ဓါးနဲ့ ထောက်ထားသလိုဆိုတာ ခင်ဗျားတော့ သိမှာ မဟုတ်ဘူး...

နေ၀င်ချိန် မှောင်ရီဖြိုးဖျဆို
ခင်ဗျားညကို ကျွန်တော် အဆိပ်ခတ် စ ခတ်ပြီ...

ခင်ဗျားရဲ့ အနာဂါတ်ဟာ ကျွန်တော့် ပါးစပ်ထဲမှာ...

ကျွန်တော့် နှုတ်အမိန့်အတိုင်း
ခင်ဗျားဟာ ခင်ဗျားဘ၀နဲ့ ခင်ဗျား ရုန်းရင်းဆန်ခတ်ဖြစ်လာမယ်...

ခင်ဗျားအာရုံကို
ကျွန်တော့်စိတ်နဲ့ လှမ်းညှို့ပစ်လိုက်ရင်
ခင်ဗျားဟာ ကုန်းပေါ်က ငါးတစ်ကောင်လို
ဖျတ်ဖျတ်လူး သွားမယ်...

ခင်ဗျား ပုံရိပ်ကို ကျွန်တော့် စိတ်နဲ့ ဖိတ်စင်ပစ်တာမျိုးလည်း
တစ်ခါ တစ်ရံ ဖြစ်ကောင်း ဖြစ်လိမ့်မယ်...

ကျွန်တော်ဟာ အနှစ်သုံးဆယ်လုံးလုံး
ဘယ်အမုန်းနဲ့မဆို တောင်လောင်ရဲတဲ့ စုန်းတစ်ကောင်ဖြစ်တယ်...

ကျွန်တော့်ကို သုတ်သင်ဖို့
ဘယ်သူတော်၊ မသူတော်မှ မစွမ်းရဲသေးဘူး....

ခင်ဗျားက ဘာမို့လို့
ကျွန်တော့်ကို လှုပ်နှိုးရဲတာလဲ...

ကျွန်တော် တောက်တစ်ချက် ခေါက်လိုက်ရင်
ခင်ဗျား အသက်ပျောက်သွားမယ်ဆိုတာ မယုံဘူးလား...

ကျွန်တော်က ခင်ဗျားလို ကောင်မျိုးကို
ပြုစားခဲ့တာ ဆယ်ကြိမ်မက တော့ဘူး...

ဒါနဲ့တောင်မှ ခင်ဗျား မယုံသေးဘူးဆိုရင်...

ခင်ဗျားဘ၀ပြေးလမ်းကို
ကျွန်တော် လွှဲချော်ပစ်လိုက်ရမလား...

ခင်ဗျား ဦးနှောက်ကို
ကျွန်တော့် လက်သည်းနဲ့ ခြစ်ထုတ်ပစ်လိုက်ရမလား...

ခင်ဗျားအိပ်မက်ကို ကျွန်တော့်ဝင်္ကပါလို
ညွတ်ကွေး ရှုပ်ထွေးပစ်လိုက်ရမလား...

ခင်ဗျား နောက်ကျောပေါ်
ကျွန်တော့် ကောက်ကျစ်မှုတွေ ထိုးစိုက်ပစ်လိုက်ရမလား...

ခင်ဗျားရဲ့ လူအရေခွံကို ချွတ်ပြီး
မြေခွေးအသွင် ပြန်ပြောင်းပေးလိုက်ရမလား...

ခင်ဗျားစာမျက်နှာပေါ်
မင်နီတွေ ရဲဗတောင်းခတ်အောင် မှောက်ချပစ်လိုက်ရမလား....

ခင်ဗျား ခေါက်ထားတဲ့ အတိတ်တွေကို
ကျွန်တော့် တစ်ဖ၀ါးစာ တူးဖေါ်ပြလိုက်ရမလား...

ခင်ဗျား မှောက်ထားတဲ့ ဖဲကို
ခင်ဗျား အရှက်တကွဲစာ ကျွန်တော် လှန်ပြလိုက်ရမလား...

ဒါမှမဟုတ်...
ခင်ဗျား အသိုက်ကို
ကျွန်တော် မီးမြှိက်လိုက်ရမလား
လွန်ခဲ့တဲ့ (၅)နှစ်က မိသားတစ်စုလို...

ခင်ဗျားတစ်ကိုယ်စာတောင် အလောင်မခံရဲပဲ
သူတစ်ပါးစိန်နားကပ်နဲ့
ကျွန်တော့်ကို တဖျတ်ဖျတ်ပွင့်ပြ မနေစမ်းနဲ့...

အဲ့ဒါနဲ့မှ မလုံလောက်သေးဘူးလား...

ခင်ဗျား ငါးပါးမှောက်သွားအောင်
ကျွန်တော် သစ္စာပြုလိုက်တော့မယ်
ကျွန်တော် စုန်းတောက်တာဟာ
ခင်ဗျား လည်ချောင်းသွေးသောက်ဖို့အတွက်လို့...

ခင်ဗျား မကြောက်တတ်ဘူးဆိုရင်
ကျွန်တော် ပြောပြမယ်...

ခင်ဗျား ခြေရာကို
မှော်လွယ်အိပ်ထဲ ကောက်ထည့်ထားတဲ့
စုန်းတစ်ကောင်ဟာ ကျွန်တော် ဖြစ်တယ်...။ ။

-လင်းသက်-
(25-4-2014)
12:12 AM

မင်းဟာ ကိုယ်မဖတ်လိုက်ရတဲ့ ဇာတ်ညွှန်းဖြစ်တယ်

ကမ္ဘာမြေကြီးက ကိုယ်တို့ကို ထမ်းပိုးထားသလိုမျိုး
ကိုယ်ကလည်း မင်းရဲ့ ကိုယ်ရေးကိုယ်တာဒုက္ခတွေကို
နှလုံးသားနဲ့ သိမ်းထုပ် ထမ်းပိုးထားချင်မိရဲ့..

အခုတော့လည်း စိုက်ပျိုးလို့မှ အားမရသေးဘူး
ငါ့မှာ တဝေါဝေါ ခုတ်လှဲ ခံလိုက်ရ…
 
သပ်သပ်ရပ်ရပ် လုပ်ကြံသတ်ဖြတ်ခံရသူတွေထဲမှာ
ဂျူးလိယက်ဆီဇာပြီးရင်
ငါဟာ အညံ့ဆုံး ဇာတ်လိုက်ဖြစ်တယ်…

တောင်စွယ်မှာ နေမကွယ်သေးခင်
ရထားသြဥသံက စောလွန်းပါရဲ့ကွယ်…။

-လင်းသက်-
၃-၅-၂၀၁၄

ခေါင်းစဉ်မဲ့ သတ္တိ

လူတွေ…လူတွေ…
ညှီနံ့တွေ တလူလူနဲ့ ပြေးလွှား ခုန်တက်လာကြတာ
ငါ့မှာ ဟန်ဆောင်မှုတောင် အလွှားလိုက်ကွာကျရတယ်…

ဒိုးဒိုးဒန့်ဒန့်လည်နေတဲ့ လူ၊ ကမ္ဘာ၊ သံသရာတွေထဲမှာ
ငါတစ်ယောက်တည်းသာ ဗဟိုချက်မဲ့…
အတွေးအခေါ်တွေလည်း အသက်မဲ့…
ဒီအတိုင်းဆို
ဘယ်ဘက်ရင်အုံမှာလည်း ခံစားချက်မဲ့တော့မယ်...

ဒါပဲလေ တံခါးအတုကို
သော့အတုနဲ့ပဲ ဖွင့်ရတော့မှာပေါ့…

ပင်လယ်ကြီးလိုလည်း
ခန့်ခန့်ထည်ထည် မကျယ်လှဘူးဆိုတော့
ခင်ဗျားတို့စိတ်ကြိုက် သွန်လို သွန်၊ မှောက်လို မှောက်ဖို့
ကျွန်တော့်သတ္တိတွေ မီးထ မတောက်ရဲသေးဘူး…

“ကံကြမ္မာက ကိုယ့်ကိုမှ ကောက်သင်းကောက် ကျီစားရတယ်လို့ကွာ”ဆိုပြီး
လောကကြီးကို တောက်ခေါက်နေလို့လည်း မဖြစ်တော့ဘူးဆိုတော့
ဒီတစ်ရာသီမှာလည်း
ဒုက္ခဆိုးတွေ တာကျိုးနှင့်ဦးပေါ့ကွယ်…။ ။

-လင်းသက်-
(3 May, 2014)

၂၀၀၈ ရင်ခွဲနှင်း

လေထဲမှာ တွဲလောင်းချိတ်ထားတဲ့ ဒုက္ခတွေက
ကိုယ့်နဖူးပေါ် တစ်စက်ချင်းပြိုဆင်းကျလာ...

ယောရုဝရဲ့ မနက်ခင်းတောင်
ဒီလောက် ရွှန်းစိုမယ်မထင်ဘူး...

ကိုယ် လုလုထွေးထွေး ရှိုက်မက်နေတဲ့ ရနံ့ဟာ
ဟောဒီ မြူမှုံနှင်းခါးတွေရဲ့ ကြမ်းကျွံမှုက စီးဖြာလာခဲ့တာ...

တစ်ခါတစ်ရံမှသာ ကျိုးကျိုးနွံနွံဖြစ်ခဲ့ဖူးတဲ့
စိတ်နှလုံးကို ဒီမနက်မှာပဲ ဒုန်းဒုန်းချပစ်လိုက်တယ်...

ပြီးတော့...
တစ်သက်တာလုံး ရှုံးမယ့် အပြုံးကို
နှစ်နှစ်လိုလို ကိုယ်ပြုံးလိုက်တော့တာပဲ...

အခုဆို
ပစလက္ခ မျက်ကွယ်ပြုခဲ့ဖူးသော သူ့ဓါတ်ပုံလေးတောင်
ကိုယ့် မျက်ဝန်းတွေလို အ၀ါရောင်သန်းစပြုလာ...

အတိတ်ကိုချည်း လှမ်းမြင်နေတဲ့ အိပ်မက်တွေကို
အသစ်လဲပစ်ချင်တာပဲ သိတယ်...

မာကျောခက်ထန် ကိုယ့်ဟန်ပန်ဆီက
ဆောင်းရိပ်ဆောင်းငွေ့တွေ လျှံထွက်ကျနေသလား...

ဒဏ်ရာဆိုတာ အနာခံနိုင်သူအတွက်တော့
ပန်းပွင့် ကြွေသံပဲ ဆိုပါစို့...

ရင့်ရင့်ကျက်ကျက်မရှိလှတဲ့ ဘ၀အို၊ ဘ၀ပျက်ကြီးကို
တွယ်ဖက်မောရတာ အချိန် နှမျောလွန်းတယ်...

၂၀၀၈ က ၂၀၁၃ ဆီ ထုံကူးရတာ
ရူး လောက် ပါ ရဲ့...

ကိုယ့်မာနကို ဓါးလို မသွေးချင်တော့ဘူး ညီမလေး...

ကိုယ့်နှလုံးသားကို တေးဆို ချော့သိပ်
တိတ်တိတ်လေး နေလိုက်ပါတော့မယ်...။

(လင်းသက်)