"ဘာမှ မရှိတော့ဘူး"

UMFCCI ရှေ့က ဖြတ်လျှောက်လာတယ်
သူနာပြုတက္ကသိုလ်ရှေ့က ဖြတ်လျှောက်လာတယ်
2015 ကို ဖြတ်လျှောက်လာတယ်...
ဒီအချိန် ကိုယ့်ရှေ့မှာ ညနဲ့ "ကက" ကလွဲပြီး
တစ်ခြားဘာမှ မရှိဘူး...

ကိုယ့်လက်ထဲမှာ 8.6 ဘီယာတစ်ဗူးကို
ကျစ်ကျစ်ပါအောင် ဖြစ်ညှစ်ထားတယ်...

ယုံကြည်ချက်ကို တဖြစ်ဖြစ်မြည်အောင်
ဖြစ်ညှစ်ထားတယ်...

ကိုယ့်ရှေ့မှာ ချောက်နဲ့ ငြှောင့်လွဲပြီး
တစ်ခြားဘာမှ မရှိဘူး...

ကိုယ်ဟာ ခပ်ဖျော့ဖျော့ ဂျင်းတစ်စုံကို
ကြပ်ကြပ်တည်းတည်း ဝတ်ထားတယ်...

ခပ်လျော့လျော့ အနာဂါတ်ကို
ကျိုးတိုးကျဲတဲ ဝတ်ဆင်ထားတယ်...

ကိုယ့်ဖနောင့်မှာ မြှားဒဏ်ရာကလွဲပြီး
တစ်ခြားဘာမှ မရှိဘူး...

ဖြူနီကြားအင်္ဂတေပေါ် ခြေစုံပစ်တင်လိုက်တယ်...

8.6 ကို ဖောက်ပြီး တော်ဝင်စင်တာက
အိပ်တန်းပြန်လေးတွေကို ငေးကြည့်ဖြစ်တယ်...

ကိုယ့်ဘဝကို ကိုယ်ဖောက်ကြည့်တော့
အိပ်တန်းပြန်ချိန် နီးပြီဆိုတဲ့အသိကလွဲပြီး
တစ်ခြား ဘာမှ မရှိတော့ဘူး...

-လင်းသက်-